*घ्या समजून राजेहो...* ही टीका करण्याचा कॉंग्रेसला नैतिक अधिकार नाही....
*घ्या समजून राजेहो...* ही टीका करण्याचा कॉंग्रेसला नैतिक अधिकार नाही.... दि.३१ डिसेंबर २०२४.. ज्येष्ठ अर्थतज्ञ आणि माजी पंतप्रधान डॉ. मनमोहनसिंग यांचे गेल्या आठवड्यात दुःखद निधन झाले. माजी पंतप्रधान असल्यामुळे संपूर्ण शासकीय इतमामात त्यांच्या पार्थिवावर अंत्यसंस्कार करण्यात आले. हे अंत्यसंस्कार दिल्लीतील निगमबोध स्मशानभूमीत करण्यात आले. यावरून आता राजकीय वाद सुरू झाले असून ते अजून तरी थांबण्याचे नाव घेत नाहीत. सर्वसाधारणपणे पंतप्रधान, राष्ट्रपती किंवा माजी पंतप्रधान, माजी राष्ट्रपती यांचे निधन झाले तर दिल्लीत यमुना नदीच्या काठी राजघाट परिसरात अंत्यसंस्कार करण्याची प्रथा आहे. १९४८ साली स्वातंत्र्यानंतर सर्वप्रथम या परिसरात महात्मा गांधींच्या पार्थिवावर तेथे अंत्यसंस्कार करण्यात आले होते. त्यानंतर १९६४ मध्ये पंडिंत नेहरूंच्या तर १९६६ मध्ये लालबहादूर शास्त्रींच्या पार्थिवावर अंत्यसंस्कार करण्यात आले होते. आतापर्यंत इथे ज्या ज्या मान्यवरांच्या पार्थिवावर अंत्यसंस्कार करण्यात आले, त्यांच्या समाधी तेथेच बांधण्यात आलेल्या आहेत. मिळालेल्या माहितीनुसार आतापर्यंत त्या परिसरात १८ मान्यवरांच्...