Posts

Showing posts from March, 2026

विद्यार्थ्यंlना मिळणार ३० दिवसात मूळ गुणपत्रिका:

Image
विद्यार्थ्यंlना  मिळणार ३० दिवसात मूळ गुणपत्रिका. दीपक देशपांडे  गोंडवाना विद्यापीठाशी संलग्नीत महाविद्यालयामध्ये शिकत असलेल्या विद्यार्थ्याना आता निकाल लागल्यापासून ३० दिवसात मूळ गुणपत्रिका मिळणार.  दि. २३ मार्च २०२६ रोजी झालेल्या अधिसभेमध्ये डॉ. शीला नरवाडे(सूर्यतळे) यांनी विद्यार्थ्यानी मूळ गुणपत्रिका निकाल लागल्यापासून ५ दिवसात वितरित करण्यात याव्यात असा प्रस्ताव मांडला.  सहसंचालक, नागपूर यांच्या दि. १७फेब्रु. २०२६ च्या पत्रानुसार गोंडवाना विद्यापीठाअंतर्गत उच्च  शिक्षण घेणाऱ्या मागासवर्गीय विद्यार्थ्याना शिष्यवृतीकरीता अर्ज सादर करताना सोबत मूळ गुणपत्रिका जोडाव्या लागतील अन्यथा अर्ज बाद होईल आणि याकरीता ज्या महाविद्यालयात विद्यार्थी शिक्षण घेत आहेत ते महाविद्यालय जवाबदार राहील. डॉ शीला नरवाडे (सूर्यतळे) यांनी प्रस्तवामागील उद्देश स्पष्ट करताना संगितले की गोंडवाना विद्यापीठाअंतर्गत उच्च  शिक्षण घेणारे बहुतांश विद्यार्थी हे  मागासवर्गीय प्रवर्गातील आहेत. अनेक विद्यार्थी महाराष्ट्र शासनाकडून शिक्षणाकरिता मिळणाऱ्या शिष्यवृतीवर अवलंबून आहेत. त्यामुळे...

“एमपीएससी (कृषी) परीक्षेकरिता दिशादर्शक मार्गदर्शन: कृषि महाविद्यालय, मूल येथे व्याख्यानाचे आयोजन”

Image
 “एमपीएससी (कृषी) परीक्षेकरिता दिशादर्शक मार्गदर्शन: कृषि महाविद्यालय, मूल येथे व्याख्यानाचे आयोजन” मूल, दीपक देशपांडे  कृषि महाविद्यालय, मूल येथे दिनांक २८ मार्च, २०२६ रोजी आयोजित “महाराष्ट्र लोकसेवा आयोगाच्या कृषी विभागासाठी परीक्षेची तयारी” या विषयावर प्लेसमेंट सेल व स्पर्धा परीक्षा मंच अंतर्गत व्याख्यानाच्या शृंखलेत हे आठवे अतिथी व्याख्यान होते. या कार्यक्रमास प्रमुख वक्ते व मार्गदर्शक म्हणून मा. श्री. पवन सुरेश मडावी, मंडळ कृषि अधिकारी, धानोरा हे  उपस्थित होते. कार्यक्रमाच्या अध्यक्षस्थानी महाविद्यालयाचे सहयोगी अधिष्ठाता डॉ. व्ही. जी. अतकरे तसेच डॉ. आर. पी. गजभिये, प्राध्यापक (उद्यानविद्या) यांची प्रमुख उपस्थिती लाभली. कार्यक्रमाची सुरुवात श्री. नागेश नवघरे सहाय्यक प्राध्यापक (मृद विज्ञान) यांच्या प्रास्ताविकपर भाषणाने झाली. कार्यक्रमास उपस्थित श्री. पवन मडावी यांनी महाराष्ट्र लोकसेवा आयोग परीक्षेची संपूर्ण रचना, अभ्यासक्रमाचे बारकावे आणि गुण मिळविण्याच्या प्रभावी पद्धती यांचे सविस्तर विश्लेषण केले. त्यांनी विद्यार्थ्यांना प्रिलिम्स व मेन्स परीक्षांसाठी वेगवेगळ्या अभ...

लक्षवेधी:-चार वर्षांपासून मार्ग अडविल्याची तक्रार करुनही साधी चौकशीही नाही ,आता उपोषणाशिवाय पर्याय उरला नाही.:-पत्रपरिषदेत पिडितांची कैफियत.

Image
लक्षवेधी. चार वर्षांपासून मार्ग अडविल्याची तक्रार करुनही साधी चौकशीही नाही ,आता उपोषणाशिवाय पर्याय उरला नाही.:-पत्रपरिषदेत पिडितांची कैफियत. मूल, दीपक देशपांडे. वर्षानुवर्षे शेतात ये,-जा करण्याचा  / वहिवाटीचा रस्ता  बंद केल्याबाबत २५/०१/२०२२पासून तहसीलदार यांचेकडे तक्रार दाखल करुन अद्याप पावेतो कार्यवाही झाली नाही,आतातर  समोरच्या  व्यक्तींची शिविगाळ आणि मारुन टाकण्याची धमकी देण्यापर्यंत मजल गेली असल्याने आम्ही आता कुणाकडे दाद मागावी?असा प्रश्न उपस्थित करीत पिडित शेतकऱ्यांनी तहसीलदार मूल यांनी याबाबत तातडीने कारवाई केली नाही तर तहसील कार्यालयासमोर उपोषणाला बसणार असा इशारा दिला आहे. खरेतर, शासनाच्या नवीन नियमानुसार जर आता कोणी शेत रस्ता मुद्दामून अडमुटी पणाने अडवला तर त्याचे वर कार्यवाही करण्याचे शासनाने आदेश दिले आहेत. यासाठी रस्ता  अडविणाऱ्याच्या शासकीय योजना बंद होऊ शकतात आणि त्याला बऱ्याच वर्षासाठी शासकीय योजना पासून वंचित राहावे लागू शकते त्यामुळे सावधान व्हा शेत रस्ते आडवू नका एकमेकांना सहकार्य करा आणि प्रगतीकडे वाटचाल करा अशा सूचना देणाऱ्या शासनाच्या अ...

“ज्ञान, साहित्य आणि स्पर्धा परीक्षेची चळवळ उभी करणाऱ्या कार्याचा सन्मान”

Image
  “ज्ञान, साहित्य आणि स्पर्धा परीक्षेची चळवळ उभी करणाऱ्या कार्याचा सन्मान”    "आयकॉन ऑफ द डिकेड’ पुरस्कार प्रा. डॉ. नरेशचंद्र काठोळे यांना जाहीर. आज होणार सन्मान! समाजातील प्रगतीशील परिवर्तनासाठी शिक्षण, साहित्य आणि प्रेरणा या तीन गोष्टी फार महत्वाच्या आहेत.या तीनही क्षेत्रात आयुष्यभर काम करणारे मिशन आयएएस, अमरावतीचे संस्थापक प्रा. डॉ. नरेशचंद्र काठोळे यांना नाशिक येथील प्रतिष्ठित “Icon of the Decade 2026” हा प्रतिष्ठेचा पुरस्कार जाहीर होणे, ही केवळ एक औपचारिक बाब नसून त्यांच्या प्रदीर्घ, सातत्यपूर्ण आणि परिणामकारक कार्याचा सन्मान आहे. वयाच्या ७२ व्या वर्षीही अविरत कार्यरत असलेले प्रा. काठोळे हे विद्यार्थ्यांच्या स्वप्नांना दिशा देणारे आणि त्यांना यशाच्या शिखरावर पोहोचविणारे दीपस्तंभ ठरले आहेत. “प्रत्येक विद्यार्थ्यामध्ये एक आयएएस दडलेला आहे,” या त्यांच्या विचारातून त्यांनी हजारो विद्यार्थ्यांच्या मनात आत्मविश्वासाचे बीज रोवले. “मिशन आयएएस” या उपक्रमाच्या माध्यमातून त्यांनी ग्रामीण व शहरी भागातील विद्यार्थ्यांना स्पर्धा परीक्षांसाठी सक्षम केले आणि या स्पर्धा परीक्षेला एक ...

आयुष्यातले सांगाती ५० ,डॉ. प्रमोद कोलवाडकर.

Image
आयुष्यातले सांगाती ५० डॉ. प्रमोद कोलवाडकर. डॉ. प्रमोद कोलवडकर यांना मी ओळखू लागलो ते मध्य भारतातील आघाडीचे क्ष किरणातज्ञ म्हणून. नागपुरात वर्धा रोडवर लोकमत भवन च्या बाजूला त्यांचे सुसज्ज असे एक्स-रे क्लिनिक होते. त्यालाच जोडून त्यांच्या सुविद्य पत्नी डॉ. मंगला कोलवाडकर यांचे मॅटरनिटी आणि नर्सिंग होम देखील होते. त्या रस्त्याने येता जाता त्यांच्या क्लिनिकची पाटी अनेकदा बघायचो, मात्र प्रत्यक्ष परिचय झाला तो १९८० मध्ये.  डॉ कोलवाडकर हे जसे क्ष किरण तज्ञ आहेत, तसेच चांगले बॅडमिंटन पटू देखील आहेत. १९८० मध्ये नागपुरात बॅडमिंटनच्या अखिल भारतीय टूर्नामेंट्स होणार होत्या. डॉ. कोलवाडकर आयोजकांपैकी एक होते. त्याच दरम्यान दूरदर्शन ने राष्ट्रीय स्तरावर त्यांच्या वृत्तछाया चित्रकारांचे एक पॅनल तयार केले होते. या पॅनलमध्ये विदर्भातून निवडला गेलेला मी एकटाच छायाचित्रकार होतो. सहाजिकच माझ्या पत्रकार मित्रांनी हे वृत्त सर्व स्थानिक वृत्तपत्रांमध्ये कौतुकाने प्रकाशित केले. ते वाचून एक दिवस डॉ. कोलवाडकरांचा मला फोन आला. त्यांनी माझे अभिनंदन केले आणि मला त्यांच्या क्लिनिकमध्ये कॉफी प्यायला बोलावले....

आयुष्यातले सांगाती ४९ ,नीतिन गडकरी.

Image
आयुष्यातले सांगाती ४९   नीतिन गडकरी काल एका संपादकाचा फोन आला होता. येत्या २६ मे ला नितीन गडकरी केंद्रात मंत्री होऊन बारा वर्षे पूर्ण होत आहेत. त्यानिमित्ताने आम्ही त्यांच्या गौरवार्थ एक कॉफी टेबल बुक प्रकाशित करणार आहोत. तुमचे आणि गडकरी साहेबांचे स्नेह संबंध आहेत. तेव्हा तुम्ही त्यांच्यावर एखादा लेख महिनाभरात आम्हाला लिहून पाठवा अशी विनंती ते संपादक मला करत होते. नितीनजींवर लिहायचे असल्यामुळे मी त्यांना होकार दिला आणि नितीनजींबाबतच्या आठवणी जाग्या करू लागलो.  आपण नितीनजींना कधीपासून ओळखतो असा विचार केला आणि मला २०१० मध्ये नितीनजींच्या वाढदिवसानिमित्त त्यांच्यावर दैनिक गावकरीसाठी लिहिलेला एक लेख आठवला. त्याचे शीर्षकच होते "नितीनजी बनाण्यापूर्वीचा नितीन." म्हणजेच मी नितीनजींना फार पूर्वीपासून ओळखतो हे नक्की झाले होते. सुरुवातीच्या काळात बरेच दिवस आम्ही दोघेही एकमेकांना एकेरीतच बोलत होतो. मात्र ज्या दिवशी नितीन भारतीय जनता पक्षाचा राष्ट्रीय अध्यक्ष झाला त्या दिवसापासून मी मनाशी ठरवून टाकते की आता नितीनशी एकेरी बोलायचे नाही. आणि तेव्हापासून हे पथ्य मी पाळत आलो आहे. नितीनजी मात्र...

कृषि महाविद्यालयाचे “Fragrance-2026” वार्षिक स्नेहसंमेलनाचा उत्साहात समारोप.

Image
  कृषि महाविद्यालयाचे “Fragrance-2026” वार्षिक स्नेहसंमेलनाचा उत्साहात समारोप दीपक देशपांडे  कृषि महाविद्यालय, मूल येथे आयोजित करण्यात आलेल्या “Fragrance-2026” या वार्षिक स्नेहसंमेलनाचा समारोप सोहळा नुकताच उत्साहपूर्ण वातावरणात पार पडला. दिनांक १० व ११ मार्च, २०२६ रोजी आयोजित करण्यात आलेल्या या दोन दिवसीय कार्यक्रमात विविध सांस्कृतिक व बौद्धिक स्पर्धांचे आयोजन करण्यात आले होते. समारोपीय कार्यक्रमाचे प्रमुख पाहुणे म्हणून डॉ. शरद निंबाळकर (माजी कुलगुरू, डॉ. पं.दे.कृ.वि., अकोला) तसेच डॉ. झिन्झार्डे (माजी सहयोगी प्राध्यापक, कृषि महाविद्यालय, नागपूर) उपस्थित होते. कार्यक्रमाच्या अध्यक्षस्थानी डॉ. व्ही.जी. अतकरे (सहयोगी अधिष्ठाता, कृषि महाविद्यालय, मूल) होते. यावेळी मंचकावर डॉ. आर.पी. गजभिये, (प्राध्यापक, उद्यानविद्या) डॉ. गितांशु टी. डिंकवार (सहायक प्राध्यापक वनस्पती रोगशास्त्र विभाग तथा सहायक विद्यार्थी कल्याण अधिकारी) तसेच श्री. एस.एम. धोटे (सहायक विभाग अधिकारी) उपस्थित होते. कार्यक्रमाची सुरुवात मान्यवरांचे शाल, श्रीफळ, स्मृतिचिन्ह व रोप देऊन स्वागत करून करण्यात आली. यानंतर डॉ. ...