Posts

Showing posts from September, 2024

जागे व्हा!!...पेटून उठा!... नव्या विजयासाठी!!!.. संदीप गिऱ्हे यांचे आवाहन..

Image
जागे व्हा!!...पेटून उठा!... नव्या विजयासाठी!!!... . लोक-संघर्षाची वात पुन्हा ज्वलंत करण्यासाठी.., संदीप गिऱ्हे दीपक देशपांडे  लोकांच्या समस्या हाती घेऊन आपण सर्वानी पेटवलेली संघर्षाची वात पुन्हा प्रज्वलित करण्यासाठी; ' हाती मशाल घेऊन लढा देण्याकरिता ताकतीने सज्ज व्हा ' आजवर घेतलेल्या कष्टाला अल्पस्वरूप का होईना; पुन्हा भरारी मिळण्याची वेळ आली (उबाठा) बल्लारपुर विधानसभा क्षेत्र शिवसेना (उबाठा) पक्षाकडे राहील, अशा सुचना सन्मा.पक्षप्रमुख उद्धव बाळासाहेब ठाकरे  यांनी दिल्या आहेत!... आजवर चंद्रपुर जिल्ह्यासह बल्लारपुर विधानसभा क्षेत्रात सतत शिवसेना पदाधिकारी व शिवसैनिक झटत आहे. लोक-हितास्तव पक्षासाठी काम करत आहेत. या कामाचं फळ सन्मा.पक्षप्रमुखांनी आपल्याला दिलं; पुन्हा पुढील एक महिना आपल्या सर्वाना *शिवसेनेचा भगवा बल्लारपुर विधानसभा क्षेत्रावर फडकवण्यासाठी* ताकतीने कामाला लागायचं आहे...असे स्पष्ट मत श्री. संदीप अनिल गिऱ्हे ,भावी उमेदवार  व चंद्रपूर जिल्हा शिवसेना उबाठा जिल्हाप्रमुख यांनी कार्यकर्त्यांना त्यांचा जोष टिकवून ठेवतांना   व उत्साह  वाढविण्यासाठी बोलता...

कोसंबी येथे सार्वजनिक शौचालय उद्घाटन सोहळा.

Image
  स्वच्छता ही सेवा, स्वभाव स्वच्छता, संस्कार स्वच्छता या अनुषंगाने गावातील प्रत्येक व्यक्तीने स्वच्छतेला महत्त्व दिले पाहिजे:-बी.एच.राठोड. दीपक देशपांडे  गावातील प्रत्येक व्यक्तीने स्वच्छतेला महत्त्व देवुन गाव स्वच्छ, निरोगी आणि सुंदर ठेवले पाहिजे आणि सार्वजनिक शौचालयाची प्रत्येकाने नैतिक जबाबदारी स्वीकारून स्वच्छता राखली पाहिजे ,असे मत मूलचे संवर्ग विकास अधिकारी  बी.एच.राठोड यांनी व्यक्त केले. मूल तालुक्यातील आदर्श गाव मौजा कोसंबी येथे सार्वजनिक शौचालयाचे उद्घाटन कार्यक्रम आयोजित करण्यात आला होता. याप्रसंगी कार्यक्रमाला उद्घाटक म्हणून  मूल पंचायत समितीचे गटविकास अधिकारी बी.एच राठोड, उपस्थित होते ,आदर्श कोसंबी गावचे सरपंच रविंद्र किसन कामडी, उपसरपंच सारिका गेडाम, कृषी उत्पन्न बाजार समितीच्या संचालिका चंदाताई कामडी, तालुका समन्वयक हर्षवर्धन गजभिये, सांडपाणी व्यवस्थापन सल्लागार प्रतिक्षा खोब्रागडे,समुह समन्वयक सचिन येरमलवार, ग्रामपंचायत अधिकारी विपिन वाकडे ,ग्रा.पं.सदस्य मनिष चौधरी, अरुणा वाढई,सुवर्णा कावळे,रोशनी मोहुलै, पोलिस पाटील अर्चना मोहुलै, सामाजिक कार्यकर्ते वि...

पालकांनी विद्यार्थ्यांच्या शैक्षणिक प्रगतीविषयी सजग राहावे-डॉ.अनिता वाळके

Image
  पालकांनी विद्यार्थ्यांच्या शैक्षणिक प्रगतीविषयी सजग राहावे-डॉ.अनिता वाळके   कर्मवीर महाविद्यालय मूल येथे पालकसभा मोठ्याथाटात संपन्न  मूल -दीपक देशपांडे  शिक्षण प्रसारक मंडळ मूल द्वारा संचालित गोंडवाना विद्यापीठ गडचिरोली संलग्नित कर्मवीर महाविद्यालय मूल येथे २८ सप्टेंबरला पालक सभेचे आयोजन करण्यात आले होते. या प्रसंगी कार्यक्रमाचे अध्यक्ष  महाविद्यालयाच्या प्राचार्या डॉ.अनिता वाळके,पालक प्रतिनिधी श्रीमती काजल दुधे, श्री स्वप्नील आत्राम,श्री यादव राऊत,श्री बोदेले,डॉ. केवल कऱ्हाडे,प्रा.प्रवीण उपरे विचारपीठावर उपस्थित होते.       कार्यक्रमाच्या प्रास्ताविकेत विद्यार्थी विकास अधिकारी प्रा.प्रवीण उपरे यांनी  पालक सभा आयोजनाचा उद्देश स्पष्ट  करतांना  पालकांनी विद्यार्थ्यांचे हित लक्षात घेऊन आपल्या पाल्याच्या शैक्षणिक समस्या तसेच प्रगती विषयी पालक शिक्षक संवाद घडून येण्या करीता पालक सभेचे आयोजन करण्यात आले होते असे विचार व्यक्त  केले तसेच श्री.स्वप्नील आत्राम आणि  श्रीमती काजल दुधे यांनी आपल्या मनोगतात पाल्याच्या प्रगतिविषयी समाध...

ब्रेकिंग न्यूज:-अखेर ती नरभक्षक वाघीण जेरबंद

Image
  ब्रेकिंग न्यूज  अखेर ती नरभक्षक  वाघीण जेरबंद मूल, दीपक देशपांडे. मागील काही दिवसांपासून मूल तालुक्यातील अनेक माणसांना ठार करणारी  T83 tigress  मादी वाघीण चिचपल्ली परीक्षेत्रातील जानाळा नियतक्षेत्र मधील क क्रं 717  मधे  आज रोजी सकाळी ५:३०वा.  जेरबंद करण्यात वनविभागाच्या अधिकाऱ्यांना यश आले. दोन वाघांपैकी मादी वाघ जेरबंद करण्यात यश आले असून नर वाघावर वनविभागाचे कर्मचारी लक्ष ठेवून आहेत. हे वाघ पकडण्यासाठी वनविभागाच्या अधिकाऱ्यांनी ड्रोनचा व कॅमेऱ्याचा वापर केला आहे. मागील आठवड्यात शासनाने वाघांचे वाढते हल्ले लक्षात घेता त्यांना जेरबंद करणे आवश्यक वाटल्यामुळे वनविभागाला ड्रोन पुरवीले होते ,त्या ड्रोनच्या सहाय्याने वाघांची ओळख पटवून त्यांना जेरबंद करण्यासाठी सापळे लावण्यात आले होते मात्र जवळ जाऊन वाघ हुलकावणी देत होते शेवटी वाघांची स्थळ निश्चिती करुन त्यांना जेरबंद करण्यात वनविभागाच्या अधिकाऱ्यांना यश आले आहे. दीपक देशपांडे, ✍️ मुख्य संपादक      ✍️ Ddbatmi@m2M ✍️

कापूस उत्पादक शेतकऱ्यांना आजची एक शेवटची संधी

Image
कापूस व सोयाबीन उत्पादक शेतकऱ्यांना आजची एक शेवटची संधी  दीपक देशपांडे  सन २०२३ खरिप हंगामाधील  कापुस व सोयाबीन उत्पादक शेतकऱ्यांना ०.२० हेक्टर पेक्षा कमी क्षेत्रासाठी सरसकट रू.१०००/- तर ०.२० हेक्टर पेक्षा जास्त क्षेत्रासाठी त्यांच्या क्षेत्रानुसार प्रती हेक्टर रू. ५०००/- ( २ हेक्टर मर्यादेत) अर्थ सहाय्य देण्यात येत आहे.  ज्या कापुस व सोयाबीन शेतकऱ्यांनी सन २०२३ च्या खरिप हंगामामध्ये ई पिक पाहणी ॲप/पोर्टलद्वारे कापुस व सोयाबीन लागवडीची नोंद केली आहे असे नोंदणीकृत शेतकरीच अर्थसहाय्य करिता पात्र असून सन २०२३ खरिप हंगाममध्ये ई पिक पाहणी केलेल्या शेतकऱ्यांची यादी जमाबंदी आयुक्तालयकडून प्राप्त झाली असून सदर शेतकरी पात्र आहेत. DBT द्वारे आधार लिंक खात्यात अनुदानाची रक्कम जमा होणार आहे. त्यामुळे  *यासाठी आवश्यक कागदपत्र*   १. संबंधित शेतकऱ्यांचे आधार कार्ड  २. आधार संबंधी माहितीचा वापर करण्याबाबत संबंधित शेतकऱ्याचे संमती पत्र ३. सामाईक खातेदाराच्या बाबतीत एकच खातेदारास अर्थसहाय्य वितिरीत करण्याच्या अनुषंगाने घ्यावयाचा ना हरकत प्रमाणपत्र *(affidavit)*...

कृषी महाविद्यालय मूल अंतर्गत शेतकरी शास्त्रज्ञ मंचाची एकविसावी बैठक संपन्न

Image
  कृषी महाविद्यालय मूल अंतर्गत शेतकरी शास्त्रज्ञ मंचाची एकविसावी बैठक संपन्न. मूल २६: दीपक देशपांडे  कृषी महाविद्यालय, मूल आयोजित एकविसावी शेतकरी शास्त्रज्ञ मंचाची बैठक दिनांक २६ सप्टेंबर, २०२४ रोजी ग्राम *चिमढा* ता. मूल जि. चंद्रपूर येथे संपन्न झाली. या प्रसंगी कृषी महाविद्यालय, मूल चे सहयोगी अधिष्ठाता डॉ. विष्णुकांत टेकाळे, इतर गावातील प्रगतशील शेतकरी युवराज चौधरी, माजी सरपंच गजानन चौधरी, कृषि साहायक विनोद निमगडे व शेतकरी बांधव तसेच या महाविद्यालयातील विषयतज्ञ मंडळी उपस्थित होती. या बैठकीत मुख्यतेने *“ खरीप पिकांमधील आंतरमशागत, किडी व रोग व्यवस्थापन ”* या विषयावर चर्चा करण्यात आली.  यामध्ये सर्वप्रथम कृषी महाविद्यालय, मूल चे सहयोगी अधिष्ठाता *डॉ. विष्णुकांत टेकाळे* यांनी शेतकर्यांनी एकत्र येऊन गट शेतीकडे वळावे. विविध पिकनिहाय गट तयार करावे त्यामुळे  शेतकऱ्यांच्या मालाला योग्य भाव मिळेल. केवळ धान पिकांवर अवलंबून न राहता कडधान्य, तृणधान्य, भाजीपाला व फुलशेती करावी याबाबत माहिती दिली. विशेषतः या चालू खरीप हंगामात आपल्या पिकांचे वारंवार निरीक्षण करत राहावे. शेतात कीड व...

अपघातांची मालिका!प्रशासनाने तात्काळ खड्डे बुजवावे अन्यथा.... !बातमीची दखल !

Image
  बातमीची दखल! अपघातांची मालिका!  प्रशासनाने तात्काळ खड्डे बुजवावे अन्यथा....  ! आणि ... चंद्रपूर जिल्‍हयातील रस्ते तातडीने खड्डेमुक्त करा– ना. सुधीर मुनगंटीवार  यांनी बैठकीत अधिका-यांना धरले धारेवर पण...? दीपक देशपांडे  दिनांक २६/०९/२०२४रोजी सकाळी सकाळी आम्ही  https://ddbatmi-m2m.blogspot.com/2024/09/blog-post_26.html.    या लिंक द्वारे     अपघातांची मालिका !.... ह्या आशयाची बातमी प्रसिद्ध केली आणि त्यानंतर  ...  https://ddbatmi-m2m.blogspot.com/2024/09/blog-post_73.html. या लिंक द्वारे     चंद्रपूर जिल्‍हयातील रस्ते तातडीने खड्डेमुक्त करा– ना. सुधीर मुनगंटीवार  यांनी बैठकीत अधिका-यांना धरले धारेवर पण...?   ह्या आशयाची दुसरी बातमी प्रसिद्ध केली आणि ती बातमी तातडीने राष्ट्रीय महामार्ग बांधकाम विभागाच्या अधिक्षक अभियंता यांचे पर्यंत पोहोचेल ही व्यवस्था केली. त्यानंतर सुत्र असे काही वेगाने फिरलेत की महामार्ग बांधकाम विभागाने तातडीने मूल ते अंधारी नदीपर्यंत असलेले खड्डे बुजविण्यासाठी पावले उचलली व काम...

चंद्रपूर जिल्‍हयातील रस्ते तातडीने खड्डेमुक्त करा– ना. सुधीर मुनगंटीवार यांनी बैठकीत अधिका-यांना धरले धारेवर

Image
  चंद्रपूर जिल्‍हयातील रस्ते तातडीने खड्डेमुक्त करा– ना. सुधीर मुनगंटीवार  यांनी बैठकीत अधिका-यांना धरले धारेवर पण...? चंद्रपूर, दि.१७-  दीपक देशपांडे  गेल्‍या काही दिवसांपासून जिल्ह्यात मोठ्या प्रमाणात पाऊस पडत आहे. त्‍यामुळे संपूर्ण जिल्ह्यात रस्त्यांवर खड्डे पडले आहेत. त्यामुळे अपघातांची शक्‍यता वाढली आहे. या पार्श्‍वभूमीवर राज्याचे वने, सांस्कृतिक कार्य व मत्‍स्‍य व्‍यवसाय मंत्री तथा जिल्ह्याचे पालकमंत्री ना. सुधीर मुनगंटीवार यांनी एका बैठकीचे आयोजन केले. या बैठकीत पालकमंत्री ना. मुनगंटीवार यांनी अधिकाऱ्यांना धारेवर धरत जिल्ह्यातील रस्ते तातडीने खड्डेमुक्त करण्याचे निर्देश दिले.  या बैठकीला अतिरिक्‍त जिल्‍हाधिकारी श्रीकांत देशपांडे, उपजिल्‍हाधिकारी दगडू कुंभार, सार्वजनिक बांधकाम विभागाचे अधिक्षक अभियंता अरूण गाडेगोणे, कार्यकारी अभियंता मुकेश टांगले व सुनिल कुंभे, राज्‍य महामार्गाचे कार्यकारी अभियंता श्री. बोबडे, जिल्‍हा परिषदेचे कार्यकारी अभियंता श्री. पेंदे, मनपा आयुक्‍त विपीन पालीवाल, मुख्‍य अभियंता विजय बोरीकर व संबंधित विभागाचे अधिकारी उपस्थित होते....

मूल चंद्रपूर मार्गावरील खड्ड्यांमुळे नागरिकांचे जीवन धोक्यात,

Image
  अपघातांची मालिका! प्रशासनाने तात्काळ खड्डे बुजवावे अन्यथा....  राष्ट्रवादी काँग्रेस .... मूल, दीपक देशपांडे  चंद्रपूर-गडचिरोली राष्ट्रीय महामार्गावरील खड्ड्यांमुळे प्रवाशांचा जीव धोक्यात आला आहे. काल  बुधवारी मूलच्या डोनी फाट्याजवळ झालेल्या भीषण अपघातात एका महिलेला गंभीर दुखापत झाली असून, एका मुलाचा पायाचा अंगठा कटला आहे. त्याचप्रमाणे दोन पुरुषही गंभीर जखमी झाले आहेत. हे अपघात थांबवण्यासाठी प्रशासन कधी जागे होणार? प्रशासनाच्या निष्काळजीपणामुळे या रस्त्यावर आतापर्यंत २० ते २५ प्रवासी गंभीर जखमी झाले आहेत. खड्ड्यांमुळे होणाऱ्या या अपघातांमुळे नागरिकांच्या सुरक्षिततेवर मोठे प्रश्नचिन्ह उभे राहिले आहे. प्रशासनाचे दुर्लक्ष आणि असंवेदनशील वर्तन खपवून घेतले जाणार नाही. आम्ही तात्काळ खड्डे बुजवण्याची मागणी करीत आहोत. अन्यथा, राष्ट्रवादी काँग्रेस पक्षाच्या वतीने कठोर आंदोलन केले जाईल. प्रशासनास राष्ट्रवादी काँग्रेसचा इशारा: राष्ट्रवादी काँग्रेस पक्षाने प्रशासनाला ठणकावून सांगितले आहे की, जर रस्त्यावरील खड्डे तातडीने बुजवले नाहीत, तर नागरिकांच्या हितासाठी तीव्र आंदोलन उभारले...

२५ सप्टेंबर रोजी राज्यातील सर्व शाळा बंद ठेवून जिल्हाधिकारी कार्यालयावर मोर्चा

Image
  आज  २५सप्टेंबर रोजी राज्यातील सर्व शाळा बंद! वाडीवस्तीमधील विद्यार्थ्यांवरील अन्यायकारक शासन निर्णय रद्द करावेत यासाठी राज्यातील सर्व शिक्षक संघटनांचा निर्धार दीपक देशपांडे.         महाराष्ट्र शासनाच्या शालेय शिक्षण विभागाकडील शिक्षक संचमान्यतेत बाबत दि.१५/०३/२०२४ चा व कंत्राटी शिक्षक भरती बाबतचा दि. ०५/०९/२०२४ चा शासन निर्णय वाडीवस्तीवरील विदयार्थ्यांवर अन्यायकारक असल्याने सदरचे दोन्ही  शासन निर्णय रद्द करावेत या मागणीसाठी राज्यातील सर्व प्राथमिक शाळा दि.२५ सप्टेंबर रोजी बंद ठेवून राज्यातील सर्व जिल्हाधिकारी कार्यालयावर मोर्चा काढण्याचा निर्धार  नुकत्याच झालेल्या राज्यातील सर्व संघटनांच्या बैठकीत घेण्यात आला.        झालेल्या बैठकीत शासनाच्या अन्यायकारक शासन निर्णयामुळे राज्यातील १५ हजार शाळांमधील १ शिक्षक कमी होवून १५ हजार शाळांमधील सुमारे २ लाख विद्यार्थ्यांवर अन्याय होणार असल्याने सदरचे शासन निर्णय शासनाने तात्काळ मागे घ्यावेत असे मत सर्व संघटना प्रतिनिधींनी व्यक्त केले. ----------------------------------------   ...

मूल तालुक्यात शिवसेना जिल्हाप्रमुख संदिपभाऊ गिऱ्हे यांचा जनतेशी संवाद..

Image
 एक यात्रा जनसंपर्काची,मन जोडणारी. प्रवाहाच्या विरूध्द जाऊन मला दिलेली साथ ही उभारी देणारी - संदिप गिऱ्हे. मूल, दीपक देशपांडे  विधानसभा निवडणुकीत शिवसेना उबाठा ला बल्लारपूर विधानसभा मतदारसंघात उमेदवारी मिळण्याची दाट शक्यता दक्षता घेता शिवसेना उबाठा जिल्हाप्रमुख संदिप गिऱ्हे यांनी मूल, पोंभुर्णा आणि बल्लारपूर तालुक्यात जनसंपर्क सुरू केला असून जनतेचा प्रचंड प्रतिसाद मिळतो आहे,अशाच एका जनसंपर्क अभियानात ते मूल तालुक्यातील जुनासूर्ला या गावात पोहोचतात आणि तेथील  कार्यकर्ते व गावकरी यांचे स्वागताने भारावून जातात,त्यानंतर.... आज मी सत्तेत नसल्यामुळे माझ्याजवळ तुम्हाला देण्यासाठी काहीही नसतांना तुम्ही माझ्या सोबत येत आहात. प्रवाहाच्या विरूध्द जात आपण मला दिलेली साथ ही उभारी देणारी असल्याचे आज जुनासुर्ला गावात झालेल्या बैठकीत शिवसेना जिल्हाप्रमुख संदिपभाऊ गिऱ्हे यांनी व्यक्त केले .  मूल तालुक्यात अतिशय उत्तम असा प्रतिसाद प्रत्येक ठिकाणी मिळत आहे ठिकठिकाणी औक्षण झाल्यानंतर गावातील आबालवृध्दांशी संवाद साधून शिवसेना उद्धव बाळासाहेब ठाकरे पक्षाची संकल्पना समजावून सांगतांनाच त्या...

संघर्षातून ध्येयपूर्तीसाठी लढणारा तरुण:-प्रमोद मशाखेत्री!

Image
  संघर्षातून ध्येयपूर्तीसाठी लढणारा तरुण -प्रमोद मशाखेत्री सन्मानित. दीपक देशपांडे मूल                     भारत सरकारच्या सुक्ष्म लघू आणि मध्यम उद्योग मंत्रालयाच्या वतीने मुल येथील प्रेरणा ऑनलाईन आपले सरकार सेवा सेतू केंद्राचे संचालक प्रमोद मशाखेत्री यांना पिएम विश्वकर्मा लाभार्थी स्वनिधी योजनेचे प्रमाणपत्र देवून त्यांना सन्मानीत करण्यात आले आहे. नूकतेच त्यांना भारत सरकारच्या सुक्ष्म, लघू आणि मध्यम उद्यम मंत्रालयाच्या वतीने प्रमाणपत्र प्राप्त झालेले आहे. तसेच त्यांना वेंडर क्रमांक मिळालेला आहे. मागील अनेक वर्षापासून प्रमोद मशाखेत्री हे फुटपाथवर दुकान टाकून सेतू केंन्द्र चालवित आहेत. त्यांनी सेतू केंन्द्राच्या माध्यमातून शासनाच्या विविध कल्याणकारी योजना राबविल्या आहेत.त्यांचा फायदा शासकीय योजनेचा लाभ घेणाऱ्या लाभार्थ्यांना होत आहे. त्यांनी कोरोना काळात विश्वकर्मा योजने मध्ये गरजूंना स्वनिधी योजनेचा लाभ मिळाला म्हणून प्रयत्न केलेला होता.त्याची दखल घेवून सुक्ष्म, लघू ,मध्यम मंत्रालयाने त्यांना उद्यम असिस्टंट सटीफिकेट प्रदान केलेले...

अखेर प्रशासकीय यंत्रणेलाही समाजमाध्यमांचाच आधार?

Image
अखेर प्रशासकीय यंत्रणेलाही समाजमाध्यमांचाच आधार पण....? तालुका दंडाधिकारी आणि समितीच्या अध्यक्ष सचिवांनी दखल घेणे आवश्यक. ---लाभार्थ्यांची मागणी  ह्या आशयाचे संदेश मी समाज माध्यमांवर बघितले, मात्र आताचा हा  निर्णय  समितीचा  नाही".:-वंदना आगरकाटे, अध्यक्षा संजय गांधी निराधार योजना मूल. लाभार्थ्यांनी कुठल्याही फोनवरच्या चौकशीला उत्तर देऊ नये,प्रत्यक्ष तहसील कार्यालयात संपर्क साधावा -दीपक देशपांडे, अध्यक्ष ग्राहक पंचायत मूल. मूल ,दीपक देशपांडे    काल दिनांक २०/०९/२०२४रोजी विविध सामाजिक कार्यकर्त्यांकडून वेगवेगळ्या समाज माध्यमांवर   श्रावण बाळ, आणि संजय गांधी निराधार योजना चा लाभ मिळणाऱ्या   ७ पेजेसवरील शेकडो जणांच्या नावांची यादी आणि त्याखाली एक संदेश  "या लाभार्थ्यांचे आधार कार्ड, बँक पासबुक झेरॉक्स आणि त्या झेरॉक्स वर मोबाईल नंबर लिहून पाठवावे . सदर झेरॉक्स तलाठी कार्यालय मूल येथे आणून देण्यास सांगावे ही विनंती" अशा आशयाचा संदेश वायरल करण्यात आला. नेमका तो कुठून आणि कसा वायरल झाला हा शोधाचा विषय आहे. सामाजिक कार्यकर्त्यानी एका चांगल्या भा...

स्वागत , चर्चा , आवाहन आणि इशारा!

Image
  मुख्याधिकारी यांचे स्वागत !  अखिल भारतीय सफाई मजदूर स्वतंत्र कामगार संघटनेच्या वतीने मूल तालुका अध्यक्ष संदीप पारचे यांनी स्वागत करीत केली चर्चा  चर्चेतील बाबींवर योग्य निर्णय न झाल्यास कामबंद आंदोलनाचा इशारा ! दीपक देशपांडे. अखिल भारतीय सफाई मजदूर स्वतंत्र कामगार संघटन महाराष्ट्र प्रदेश रजि.न.7262 इंडियन ट्रेड यूनियन एक्ट 1926 अंतर्गत सफाई कामगार संघटनेच्या वतीने दि.१७/०९/२०२४ मूल नगर परिषदेचे नवीन मुख्याधिकारी श्री संदीप  रोडे  यांना संघटनेच्या वतीने पुष्पगुच्छ देऊन त्यांचे स्वागत करण्यात आले व मूल तालुका शाखेचे तालुका अध्यक्ष श्री संदीप पारचे यांनी मूल नगर परिषदेतील नियमित व कंत्राटी सफाई कामगारांच्या प्रलंबित प्रश्ना संदर्भात मुख्याधिकारी  यांचे सोबत चर्चा केली.  या चर्चेत सेवानिवृत्त कर्मचाऱ्यांचे सेवानिवृत्तीचे लाभ तात्काळ देण्यात यावे, डॉ बाबासाहेब आंबेडकर श्रमसाफल्य योजनेअंतर्गत ज्या सफाई कामगारांची सेवा पंचवीस वर्षे झालेली आहे अशा सफाई कामगारांना नगरपरिषदेच्या मालकीच्या हक्काच्या जागेवर घरे बांधून देण्यात यावे, नियमित सफाई कामगारांना श...

मूलमध्ये आज कन्यका मंदिर प्राणप्रतिष्ठा सोहळा !

Image
   मूलमध्ये   आज कन्यका मंदिर प्राणप्रतिष्ठा सोहळा ! अयोध्येचे प.पु.स्वामी गोविंद देव गिरीजी महाराज यांची उपस्थिती   पालकमंत्री सुधीर मुनगंटीवार यांचे आयोजन . दीपक देशपांडे  परमेश्वर कृपेने मूल नगरीतील जुन्या प्रसिद्ध महादेव मंदिराचा व  माता वासवी कन्यका माता मंदिराचा जीर्णोद्धार करण्यात आला असून साक्षात परमेश्वर साक्षीने, परमोच्च मंगलमंत्रघोषात तसेच शास्त्रोक्त विधीविधानानुसार प्राणप्रतिष्ठा सोहळा संपन्न होणार आहे. यासाठी दिनांक १४सप्टेंबरपासून विधिवत सोहळा सुरू झाला आहे, त्यासाठी पालकमंत्री सुधीर मुनगंटीवार मूल नगरीत पूर्ण वेळ उपस्थित आहेत ,व नगरातील जवळपास सगळ्याच गणेश मंडळांना प्रत्यक्ष भेट देऊन कार्यकर्त्यांच्या गाठीभेटी घेत आहेत , गणेशाचे पूजन करुन ,प्रसाद चढवित आहेत, त्यामुळे जनतेशी जवळीक व जनसंपर्क साधला जात आहे, यामुळे मूल नगरीतील भाजप पदाधिकारी व वार्डातील जनता एक आगळावेगळा अनुभव घेताना दिसत आहे.  या मंदिरात श्री.गणपती , श्री.माता कन्यका, श्री.महादेव ,संत श्री  साईबाबा, श्री.गजाननमहाराज , सद्गुरू श्री.दत्तात्रेय , संकटमोचक श्री हनुमानजी ...

शिवसेना (उबाठा) पक्षात मूल तालुक्यातील विरई येथील भाजपाचे असंख्य कार्यकर्त्यांचा प्रवेश

Image
  शिवसेना उद्धव बाळासाहेब ठाकरे पक्षात मूल तालुक्यातील विरई येथील भाजपाचे असंख्य कार्यकर्त्यांचा प्रवेश बल्लारपुर विधानसभेसाठी संदिपभाऊ गिऱ्हे यांना जनतेची पहिली पसंती... मूल, दीपक देशपांडे    विरई येथील भाजपाचे सक्रिय कार्यकर्ता व ग्रामपंचायत सदस्य संजयजी मोहूर्ले यांच्यासह असंख्य कार्यकर्त्यांनी शिवसेना जिल्हाप्रमुख संदिपभाऊ गिऱ्हे यांच्या नेतृत्वावर विश्वास ठेवून शिवसेना उद्धव बाळासाहेब ठाकरे पक्षात प्रवेश केला. यावेळी तालुका प्रमुख प्रशांत गट्टूवार, मूल येथील राज ठाकरे आदींची यावेळी उपस्थिती होती. यावेळी बोलतांना शिवसेना जिल्हाप्रमुख संदिपभाऊ गिऱ्हे यांनी म्हणाले की, शिवसेना ८० टक्के समाजकारण व २० टक्के राजकारण करणारा पक्ष आहे. आपणही समाजकार्य करीत असता त्यामुळे आपणास या पक्षाच्या माध्यमातून मोठ्या प्रमाणावर सामाजिक कार्य करता येईल व सामान्य नागरिकांना मदत करता येईल. यापूर्वी शिवसेना उद्धव बाळासाहेब ठाकरे पक्षाच्या वतीने रोजगार मेळावा असेल,  पिक विमा संदर्भात आंदोलन,प्रसंगी सामान्यांना मदत केली. तर शेतकरी व सामान्य नागरिकांच्या प्रश्नावर वारंवार आवाज उठवून त्यांन...

ग्राहक पंचायत महाराष्ट्रतील लक्ष्मी - नारायण कार्यकर्त्यांचा सत्कार

Image
  ग्राहक पंचायत महाराष्ट्रतील  लक्ष्मी - नारायण कार्यकर्त्यांचा सत्कार  सौ. सुवर्णा व  श्यामकांत पात्रीकर यांचा गौरव नागपूर, दीपक देशपांडे  ग्राहक पंचायत महाराष्ट्र पारिवारिक संघटना असून, लक्ष्मी - नारायण हे संघटनेचे दैवत, स्वामी विवेकानंद श्रद्धास्थान, तर गरुड बोध चिन्ह तसेच ग्राहकतीर्थ बिंदुमाधव जोशी प्रेरणास्रोत आहेत. त्यामुळे दरवर्षी होणाऱ्या राज्य अधिवेशनात संघटनेच्या परिवारातील ज्येष्ठ कार्यकर्ते दाम्पत्याचा लक्ष्मी - नारायण म्हणून जाहीर सत्कार करण्यात येतो. यावेळी सौ. सुवर्णा आणि श्यामकांत पात्रीकर या उभयतांचा सत्कार करण्यात आला.  यावेळी ग्राहक पंचायत महाराष्ट्राचे राज्य अध्यक्ष डॉ. विजयजी लाड, राज्य सचिव श्री. अरुणजी वाघमारे, सहसंघटक मेधाताई कुलकर्णी, कोल्हापूरचे सतीश फणसे, विदर्भ प्रांत संघटक डॉ. कल्पना उपाध्याय आणि एकूण २३ जिल्ह्यांतील जवळपास २७० कार्यकर्ते उपस्थित होते . दीपक देशपांडे, ✍️ मुख्य संपादक      ✍️ Ddbatmi@m2M✍️

चिचाळा येथील असोलामेंढा कालव्याची पाईपलाईन तातडीने दुरुस्त करा

Image
  चिचाळा येथील असोलामेंढा कालव्याची पाईपलाईन तातडीने दुरुस्त करा पालकमंत्री ना. श्री. सुधीर मुनगंटीवार यांचे कार्यकारी अभियंत्यांना निर्देश चंद्रपूर, दि. ९ दीपक देशपांडे  असोलामेंढा तलावाच्या मुख्य कालव्यातून येणारी चिचाळा ते हळदी दरम्यान नळजोडणी पाईपलाईन फुटल्यामुळे येथील शेतक-यांना सिंचनापासून वंचित राहावे लागत आहे. ही बाब शेतक-यांनी पालकमंत्री श्री. मुनगंटीवार यांच्या निदर्शनास आणून देताच सदर नळजोडणी पाईपलाईन त्वरीत दुरुस्त करण्याचे निर्देश वने व सांस्कृतिक कार्य तथा चंद्रपूर जिल्ह्याचे पालकमंत्री श्री. सुधीर मुनगंटीवार यांनी असोलामेंढा प्रकल्पाचे कार्यकारी अभियंता यांना दिले आहे. चांदा ते बांदा या प्रकल्पांतर्गत पालकमंत्री ना. श्री. सुधीर मुनगंटीवार यांच्या विशेष प्रयत्नांतून असोलामेंढा तलावाच्या मुख्य कालव्यातून नळजोडणीमार्फत मूल तालुक्यातील गावातील शेतीसाठी सिंचनाची सुविधा उपलब्ध करून देण्यात आली आहे. ना. श्री. मुनगंटीवार यांच्याकडे राज्याच्या अर्थखात्याची जबाबदारी असताना ही योजना मंजूर झाली होती, हे विशेष. पालकमंत्री सुधीर मुनगंटीवार यांच्या पुढाकाराने चांदा ते बांदा वि...

प्रशांत कवासे जिल्हा आदर्श शिक्षक पुरस्काराने सन्मानित

Image
  प्रशांत कवासे जिल्हा आदर्श शिक्षक पुरस्काराने सन्मानित मूल, दीपक देशपांडे  चंद्रपूर जिल्हा परिषदेच्या वतीने दिला जाणारा जिल्हास्तरीय आदर्श शिक्षक  पुरस्कार  श्री प्रशांत मधुकरराव कवासे, विषय शिक्षक जिल्हा परिषद उच्च प्राथमिक शाळा गडीसूर्ला यांना प्रदान करण्यात आला. काल ५सप्टेंबर ला चंद्रपूर जिल्हा परिषदेच्या कन्नमवार सभागृहात झालेल्या कार्यक्रमात श्री धायगुडे साहेब उपमुख्यकार्यकारी अधिकारी यांच्या हस्ते त्यांचा सपत्नीक सत्कार करण्यात आला. या प्रसंगी शिक्षक आमदार श्री सुधाकरअडबाले , अश्विनी सोनवणे शिक्षणाधिकारी प्राथमिक, निकिता ठाकरे  शिक्षणाधिकारी  माध्यमिक , श्री देशमुख  साहेब इ . उपस्थित होते. मूल  तालुक्यातून निवड झालेले श्री प्रशांत कवासे   हे  जिल्हा परिषद  उच्च प्राथमिक शाळा          गडीसूर्ला  येथे भाषा विषय शिक्षक म्हणून कार्यरत असून उपक्रमशील शिक्षक म्हणून ओळखले जातात .शाळेतील विविध नाविण्यपूर्ण  उपक्रमात त्यांचा सक्रिय सहभाग असतो.त्यांच्या  या सत्करा मुळे त्यांना अधिक चांगले क...

नवे शैक्षणीक धोरण!

Image
 नवे शैक्षणीक धोरण रोजगारांच्या नव्या वाटा शोधणारे आहे- प्राचार्या डॉ.अनिता वाळके.   कर्मवीर महाविद्यालयात नविन शैक्षणीक धोरणावर  मराठी विषयाच्या अभ्यासक्रमाची  कार्यशाळा मूल, दीपक देशपांडे        आज दि.६ सप्टेंबरला २०२४ ला कर्मवीर महाविद्यालय मूल,येथे महाविद्यालयाच्या प्राचार्या  डाॅ.अनिता वाळके मॅडम यांच्या अध्यक्षतेखाली व मार्गदर्शनात विद्यार्थासाठी नविन शैक्षणीक धोरणावर व मराठी विषयाच्या अभ्यासक्रमाची माहिती देण्यासाठी कार्यशाळेचे आयोजन करण्यात आले होते.            नवे शैक्षणीक धोरण २०२०(NEP)हे या वर्षापासुन स्वतंत्रपणे गोंडवाना विद्यापीठ गडचिरोली व संपुर्ण राज्यात लागु झाले आहे.हे धोरण व्यवसायाभिमुख असल्याने विविध क्षेत्रात अनेक रोजगारांच्या संधी उपलब्ध करून देणारे व व्यक्तिमत्वाचा विकास घडवुन जीवनमान उंचावणारे आहे असे प्रतिपादन विद्यार्थानां मार्गदर्शन करतांना प्राचार्य डॉ अनिता वाळके मॅडम यांनी केले.तसेच मराठी मुख्य व मराठी उप आणि त्याला जोडून येणारे पुरवणी विषय VEC,SEC,AEC व त्याच्यांं  अभ्यासक्रमाची...

सोमवती अमावस्या:-त्रिवेणी योगाचा घ्या लाभ!

Image
  सोमवती अमावस्या: शेवटचा श्रावणी सोमवार आणि सातूची शिवामूठ; त्रिवेणी योगाचा घ्या लाभ! संकलन,दीपक देशपांडे  श्रावणाच्या शेवटच्या सोमवारी जुळून आलेल्या त्रिवेणी योगावर शिवामूठ वाहायला विसरु नका; वाचा योग्य पद्धत आणि पूजा विधी! २ सप्टेंबर रोजी श्रावण मासाची अखेर अर्थात श्रावण अमावस्या  आहे. ती सोमवारी आल्यामुळे सोमवती अमावस्या म्हणूनही ओळखली जाईल. श्रावण मास महादेवाचा, त्यात सोमवारीही त्याचाच आणि भर सोमवती अमावस्येची! या त्रिवेणी योगाचा लाभ करून घेण्यासाठी पुढील माहिती सविस्तर वाचा.  श्रावण सोमवारी  आपण शिवामूठ वाहतो. आपल्याकडे जे असेल ते भक्तिपूर्वक प्रेमाने देवाला दिले तर देव ते आनंदाने स्वीकारतो. देण्याची वृत्ती मात्र हवी. आधीच भगवान शिवशंकर भोळे, त्यात ते आशुतोष म्हणजे लहान मुलाप्रमाणे लगेच प्रसन्न होणारे! त्यात पु्हा पार्वतीमातेचे पतीराज. शिव पार्वती यांच्याकडे आपण सुखी दांपत्य जीवनाचा आदर्श म्हणून पाहतो. विवाहप्रसंगीदेखील नववधू लग्नाला उभी राहण्यापूर्वी `गौरीहार' पूजते. त्यामुळे तो आदर्श नवविवाहितांसमोर यावा, त्यांच्या मनावर सहजीवनाचे सुसंस्कार व्हावे, यासाठ...

ऊर्जानगर येथे ऑगस्ट क्रांतीपर्व स्मृतिदिन संपन्न

Image
  ऊर्जानगर येथे  ऑगस्ट क्रांतीपर्व स्मृतिदिन संपन्न ऊर्जानगर(चंद्रपूर):-  Ddbatmi  न्युजब्युरो. - चिमूर - आष्टी क्रांतीच्या शहिदांना भावपूर्ण आदरांजली अर्पण करण्यासाठी तसेच त्यांच्या कार्याच्या स्मृतींना उजाळा देऊन आजच्या पिढीला तो प्रेरणादायी इतिहास माहीत व्हावा म्हणून श्री गुरुदेव सेवा मंडळ,ऊर्जानगर तर्फे दरवर्षी प्रमाणे यावर्षी सुध्दा दिनांक ३१ ऑगस्ट २०२४ ला सामुदायिक प्रार्थना झाल्यानंतर स्मृतिदिन कार्यक्रम घेण्यात आला. कार्यक्रमाचे अध्यक्ष स्थान मा. रामदास तुमसरे (अध्यक्ष श्री गुरुदेव सेवा मंडळ,ऊर्जानगर) यांनी भूषविले  प्रमुख मार्गदर्शक आस्वले गुरुजी चिंचाळा ( राष्ट्रसंत साहित्य अभ्यासक तथा रंगमुक्त होळी चळवळीचे प्रणेते)  ,उद्घाटक ज्येष्ठ गुरुदेव उपासक मा. विठ्ठलराव देठे, भद्रावती प्रमुख अतिथी राजेंद्र लांडे अमरावती, सरस्वती धमाने ज्येष्ठ उपासिका वर्धा ,सविताताई हेडाऊ अध्यक्षा श्रीगुरुदेव सेवा महिला मंडळ यांची उपस्थिती होती. कार्यक्रमाची सुरुवात दीप प्रज्वलन व अधिष्ठानाला व राष्ट्रसंत तुकडोजी महाराज यांच्या प्रतिमेला माल्यार्पण करून करण्यात आली.  ...