Posts

Showing posts from June, 2025

भाजप मंडळ अध्यक्ष पदाच्या नियुक्त्या जाहीर – संघटनेला नवे बळ मिळणार : आमदार किशोर जोरगेवार.

Image
  भाजप मंडळ अध्यक्ष पदाच्या नियुक्त्या जाहीर – संघटनेला नवे बळ मिळणार : आमदार किशोर जोरगेवार चंद्रपूर,(डीडिबातमी न्युज ब्युरो)  : भारतीय जनता पार्टी चंद्रपूर महानगरातील विविध मंडळ अध्यक्ष पदाच्या नियुक्त्या अधिकृतपणे जाहीर करण्यात आल्या आहेत. मुंबई येथे आयोजित विशेष बैठकीत या नावांवर अंतिम निर्णय घेण्यात आला. प्रदेश अध्यक्ष रवींद्र चव्हाण यांच्या अध्यक्षतेत ही बैठक पार पडली. या बैठकीला प्रदेश महामंत्री माधवी नाईक, विदर्भ संघटन मंत्री डॉ. उपेंद्र कोठेकर, आमदार किशोर जोरगेवार, भारतीय जनता पार्टीचे महानगर अध्यक्ष सुभाष कासनगोट्टूवार, माजी शहर अध्यक्ष दशरथसिंह ठाकूर आदींची उपस्थित होती.  या बैठकीत आमदार किशोर जोरगेवार यांच्या सूचनेनुसार महानगर अध्यक्ष सुभाष कासनगोट्टूवार यांनी महामंडळ अध्यक्ष पदाकरिता दिलेल्या नावांवर सविस्तर चर्चा करण्यात आली. कार्यकर्त्यांचा अनुभव, पक्षनिष्ठा, संघटन कौशल्य यावर आधारित विचार करून या नावांना प्रदेश नेतृत्वाकडून मान्यता देण्यात आली. या नियुक्त्यांमध्ये तुकूम मंडळासाठी स्वप्नील डुकरे, बाजार वार्ड मंडळासाठी सुभाष अदमाने, सिव्हिल लाईन मंडळासाठी र...

महाराष्ट्रातील अभिनव उपक्रम, दर महिन्याला स्पर्धा परीक्षा कार्यशाळा .

Image
  महाराष्ट्रातील अभिनव उपक्रम, दर महिन्याला स्पर्धा परीक्षा कार्यशाळा  जिल्हाधिकाऱ्यांनी घेतला पुढाकार  महाराष्ट्रातील विद्यार्थी बहुसंख्येने प्रशासनात जावेत. त्यांनी केंद्रीय लोकसेवा आयोग आणि महाराष्ट्र लोकसेवा आयोगाच्या परीक्षा मोठ्या संख्येने उत्तीर्ण कराव्यात यासाठी विविध स्तरावरून विविध प्रयत्न सुरू आहेत. त्यातीलच एक चांगला प्रयत्न अमरावतीचे जिल्हाधिकारी श्री आशिष येरेकर यांनी येत्या एक जुलैपासून सुरू केलेला आहे. श्री आशिष येरेकर हे नुकतेच अमरावतीला जिल्हाधिकारी म्हणून रुजू झालेले आहेत. आल्या आल्या त्यांनी स्पर्धा परीक्षेतील अमरावतीचे वातावरण पाहून दर महिन्याच्या एक तारखेला स्पर्धा परीक्षा कार्यशाळा घेण्याचे निश्चित केले आहे. त्या उपक्रमातील पहिली विनामूल्य स्पर्धा परीक्षा कार्यशाळा अमरावती येथे एक जुलै रोजी दुपारी दोन वाजता अमरावतीच्या श्री संत ज्ञानेश्वर सांस्कृतिक भवनमध्ये संपन्न होणार आहे. या स्पर्धा परीक्षा कार्यशाळेचे उद्घाटन अमरावतीच्या विभागीय आयुक्त डॉ. श्वेता सिंघल ह्या करणार असून या कार्यक्रमाला स्वतः जिल्हाधिकारी श्री आशिष येरेकर जिल्हा पोलीस अधीक्षक श्री...

सहज सुचलं म्हणून... जीर्ण शाळांची डागडुजी व्हायलाच हवी.

Image
  सहज सुचलं म्हणून... जीर्ण शाळांची डागडुजी व्हायलाच हवी. आज सकाळी वृत्तपत्रांमध्ये एक बातमी वाचण्यात आली. नागपूर जिल्ह्यात १५५० जिल्हा परिषद शाळा आहेत. त्यातील ३३० शाळा अतिशय जीर्ण अवस्थेत आलेल्या आहेत. इतरही शाळांची दुरावस्थाच आहे. या शाळांमध्ये पावसाळा दिवसात जर काही धोका झाला तर शाळेत शिकणाऱ्या विद्यार्थ्यांच्या जीवाला देखील धोका होऊ शकतो अशी भीती या बातमीत व्यक्त करण्यात आली आहे.  आपल्या देशात अगदी तळागाळातील विद्यार्थ्यांना देखील शिक्षण मिळावे यासाठी शिक्षणाची व्यवस्था शासनाकडेच ठेवण्यात आली आहे. महाराष्ट्रात शालेय शिक्षण हे जिल्हा परिषद, महानगरपालिका, नगरपरिषद, पंचायत समिती, आणि ग्रामपंचायत या स्थानिक स्वराज्य संस्थांकडे सोपवण्यात आले आहे. या सर्व स्थानिक स्वराज्य संस्थांना शासनाकडून शिक्षणासाठी निधी देखील मिळत असतो. मात्र तो कितीही नाही म्हटले तरी तूटपुंजाच असतो. त्यामुळे जिल्हा परिषदेच्या विशेषतः ग्रामीण भागातील शाळांची अवस्था अतिशय वाईट असल्याचे आढळून आले आहे. नुकतेच वृत्तवाहिनीवर कोल्हापूर जिल्ह्यातील एका शासकीय शाळेतील शौचालय आणि प्रसाधनगृहांची दुरावस्था दाखवण्यात ...

विशेष:-धरती आबा पंतप्रधान जनमन योजना शिबिराची सांगता!

Image
  *विशेष* पंतप्रधान जनमन ग्राम उत्कर्ष योजना शिबिर केवळ एक औपचारिकता! मौजा भवराळा येथे उद्घाटन सोहळा संपन्न होताच सर्व शासकीय अधिकाऱ्यांनी पळता पाय काढल्याने ग्रामस्थ संतापले.   मूल, डीडिन्यूज ब्युरो  महाराष्ट्र शासनाच्या वतीने दिनांक १५ जून ते ३० जून दरम्यान राबविण्यात येत असलेल्या धरती आबा ग्राम उत्कर्ष योजना व पंतप्रधान जनमन योजनेअंतर्गत महाराष्ट्र राज्यात विविध जिल्ह्यांत विविध तालुक्यातील निवडक गावात ह्या योजने अंतर्गत आदिवासी बहुल गावात आदिवासी बांधवांना विविध प्रकारचे दाखले उपलब्ध करून देण्यासाठी या शिबिराचे आयोजन करण्यात आले होते. या योजनेचा लाभ देण्यासाठी मूल तालुक्यातील मुरमाडी, चिखली,आकापूर,जानाळा व तालुक्याच्या  शेवटच्या टोकावर असलेल्या भवराळा या गावांची या योजनेचा लाभ देण्यासाठी निवड करण्यात आली होती, त्यानुसार दिनांक १७/०६रोजी मुरमाडी येथे या योजनेचा शुभारंभ करण्यात आला, त्यानंतर दिनांक १९/०६रोजी चिखली येथे,२३/०६रोजी आकापूर येथे २५/०६रोजी जानाळा येथे कार्यक्रम आयोजित करुन ते पार पाडण्यात आले यानंतर दिनांक २७/०६/२०२५रोजी भवराळा येथे या योजनेचा सांगता समा...

आयुष्यातले सांगाती १०... श्रीपाद सहस्रभोजने...

Image
  आयुष्यातले सांगाती १०... श्रीपाद सहस्रभोजने... महाराष्ट्राच्या राजकीय जगतात,प्रशासनात आणि माध्यम जगतात गेल्या पिढीतल्या मंडळींना श्रीपाद सहस्रभोजने हे नाव चांगलेच परिचित असेल. तसेच संघ परिवारात देखील हे नाव तितकेच परिचित आहे. माहिती आणि जनसंपर्क महासंचालनालयाचे अतिरिक्त मुख्य संचालक म्हणून निवृत्त झालेले सहस्रभोजने काका आपल्या शासकीय सेवेच्या काळात एक, दोन नाही तर चार मुख्यमंत्र्यांचे जनसंपर्क अधिकारी म्हणून कार्यरत राहिले होते. उच्च पदावरून निवृत्त झाल्यावर अगदी साधेपणाने आयुष्य जगणारे हे व्यक्तिमत्व अखेरच्या श्वासापर्यंत सामाजिक कार्यात स्वतःला चुकून देत राहिले. त्यामुळेच आज त्यांना जाऊन दोन वर्षाहून अधिक काळ लोटला तरी त्यांची आठवण करणारे माझ्यासारखे अनेक लोक आहेत. अशा या आगळ्यावेगळ्या व्यक्तिमत्त्वाचा आणि माझा थोडा थोडा नाही तर तब्बल ४६ वर्षांचा स्नेहबंध होता. हा मी माझ्या आयुष्यातला एक भाग्ययोगच समजतो. आजही सर्वसाधारणपणे सरकारी नोकरीत उच्च पदावर पोहोचलेल्या व्यक्तीचे मित्र कमी आणि शत्रूच जास्त झालेले असतात. मात्र श्रीपाद सहस्रभोजनेंनी सर्व मित्रच जोडले होते आणि शेवटपर्यंत त्य...

हरिणीला जीवन दान.

Image
  हरिणीला जीवन दान. दीपक देशपांडे  आज सकाळी ९:१५ चे दरम्यान मूल गडचिरोली रोडवर आकापुर गावाच्या एक कि.मी.समोर एका अज्ञात वाहनाच्या धडकेत एक मादी चौसींगा हरीण जखमी झाले.. माहिती मिळताच वनरक्षक एस.डब्लु.बोनलवार , संजीवन पर्यावरण संस्थेचे उमेशसिंह झिरे, दिनेश खेवले, मनोज रणदिवे हे घटनास्थळी उपस्थित झाले व माजी पशुवैद्यकीय अधिकारी डॉ संदिप छौनकर यांनी जखमी मादि चौसींगा हरीण वर प्राथमिक उपचार केले.  त्यानंतर जखमी चौसींग्याला सावली वनपरिक्षेत्र कार्यालयात नेण्यात आले व सावली चे वनपरिक्षेत्र अधिकारी श्री विनोद धुर्वे यांचे सूचने नूसार पूढील उपचारासाठी चंद्रपूर प्राणी उपचार केंद्रात पाठविण्यात आले.... दीपक देशपांडे,✍️मुख्य संपादक     ✍️ Ddbatmi-m2M ✍️

वाघोबाच्या भितीत किती काळ जगणार शेतकरी?

Image
  वाघोबाच्या भितीत किती  काळ जगणार शेतकरी? वाघाच्या हल्ल्यात एक शेतकरी गंभीर जखमी. दीपक देशपांडे    घरची जनावरे चराईसाठी नेणाऱ्या युवा  शेतकऱ्यावर झाडामागे दबा धरून बसलेल्या वाघाने हल्ला करून गंभीर जखमी केले. ही घटना गुरुवार (ता. २६) दुपारी अडीच वाजताच्या दरम्यान मरेगाव- चितेगाव हद्दीतील शेतशिवारात घडली. गंभीर जखमी युवकाचे नाव मारोती करणशहा पेंदोर (वय ३१ रा. मरेगाव) असे आहे. मारोती हा नेहमीप्रमाणे आपल्या घरची जनावरे घेऊन मरेगाव चितेगाव हद्दीतील शेतशिवाात चराईसाठी गेला होता. सर्वे क्रमांक १०६ मध्ये विजय जुमनाके यांच्या शेतशिवारात जनावरे चारत असताना त्याठिकाणी दबा धरून बसलेल्या वाघाने त्याच्यावर हल्ला करून गंभीर जखमी केले. मारोतीच्या हाताला आणि पाठीवर गंभीर जखमा  आहेत.  ही घटना गावात माहित होताच गावकऱ्यांनी घटनास्थळी गर्दी केली. याची माहिती वनविभागाला देण्यात आली. वनरक्षक नागोशे तत्काळ घटनास्थळी दाखल झाले. पोलिस पाटील पुंडलिक जवादे आणि गावकऱ्यांच्या मदतीने जखमी मारोती पेंदोर याला मूल येथील उपजिल्हा रुग्णालयात उपचारार्थ दाखल केले. मात्र मूल तालुक्यात वाघा...

गोगाव येथे RAWE अंतर्गत बीजपात्र तयारीवर कृषिदूतांचे व्यावहारिक प्रशिक्षण कार्यक्रम संपन्न

Image
  गोगाव येथे ग्रामीण कृषी कार्यानुभव (RAWE) अंतर्गत बीजपात्र तयारीवर कृषिदूतांचे व्यावहारिक प्रशिक्षण कार्यक्रम संपन्न (गोगाव, ता. आरमोरी, जि. गडचिरोली) दीपक देशपांडे  डॉ. पंजाबराव देशमुख कृषी विद्यापीठ, अकोला संलग्नित कृषी महाविद्यालय, मूल-मारोडा येथील बी.एस्सी. (कृषी) अंतिम वर्षाच्या विद्यार्थ्यांनी ग्रामीण कृषि कार्यानुभव (RAWE) कार्यक्रमांतर्गत गोगाव  गावात "बीजपात्र (Seedbed) तयारी" या विषयावर एक विशेष जागरूकता आणि प्रशिक्षण कार्यक्रम आयोजित केला. या उपक्रमाचा मुख्य उद्देश शेतकऱ्यांना बी बियाणे पेरणीपूर्व मृदाची शास्त्रीय तयारी कशी करावी याचे प्रत्यक्ष मार्गदर्शन देणे आणि उत्पादनाचा पाया मजबूत करण्यासाठी आवश्यक गोष्टी समजावून सांगणे हा होता. कृषिदूतांनी प्रशिक्षणादरम्यान शेतकऱ्यांना सांगितले की, बीजपात्र तयारी ही पीक उत्पादनाची अत्यंत महत्त्वाची व प्रारंभिक पायरी आहे. योग्यप्रकारे तयार केलेली बीजपात्र जमीन भुसभुशीत, समतल, उपजाऊ, रोगमुक्त आणि पुरेशी आर्द्रता युक्त असते. यामुळे बियाण्यांना अंकुरणासाठी आदर्श परिस्थिती प्राप्त होते. परिणामी उगमशक्ती वाढते, रोपांची प्रारं...

दिनविशेष.:- 'आषाढस्य प्रथम दिवसे'

Image
  दिनविशेष. 'आषाढस्य प्रथम दिवसे' दीपक देशपांडे    मराठीत 'आषाढस्य प्रथम दिवसे' म्हणजे आषाढ महिन्याचा पहिला दिवस. हा दिवस कवी कालिदासांच्या 'मेघदूता'तील ओळींच्या संदर्भात प्रसिद्ध आहे. 'आषाढस्य प्रथम दिवसे' या ओळींमुळे हा दिवस कालिदास दिन म्हणूनही ओळखला जातो, असे काही मराठी वृत्तपत्र संकेतस्थळांनी सांगितले आहे.  ' आषाढस्य प्रथम दिवसे' या ओळी 'मेघदूत' या काव्याच्या सुरुवातीला येतात. या ओळींचा अर्थ असा आहे की, "आषाढ महिन्याच्या पहिल्या दिवशी". कालिदासाच्या या प्रसिद्ध ओळींमुळे आषाढ महिन्याच्या पहिल्या दिवसाला विशेष महत्त्व प्राप्त झाले आहे, असे काही मराठी बातम्यांच्या संकेतस्थळांनी म्हटले आहे.  ' आषाढस्य प्रथम दिवसे' चा अर्थ आणि संदर्भ: आषाढस्य प्रथम दिवसे: याचा अर्थ 'आषाढ महिन्याच्या पहिल्या दिवशी' असा होतो. मेघदूत:-ही कालिदासाची प्रसिद्ध रचना आहे, ज्यामध्ये एका यक्षाने आपल्या पत्नीला पाठवलेला संदेश मेघाद्वारे पाठवल्याची कथा आहे. कालिदास दिन:-आषाढ महिन्याच्या पहिल्या दिवसाला 'कालिदास दिन' म्हणूनही ओळखले जा...