Posts

Showing posts from June, 2026

आठवणींच्या हिंदोळ्यावर....६. आठवण संसदेवरच्या दहशतवादी हल्ल्याची...

Image
आठवणींच्या हिंदोळ्यावर....६. आठवण संसदेवरच्या दहशतवादी हल्ल्याची... दोन दिवसांपूर्वी युट्युबवर धुरंधर हा चित्रपट बघत होतो. त्यात १३ डिसेंबर २००१ ला देशाचे सार्वभौम सभागृह असलेल्या संसदेवर हल्ला झाला तो प्रसंग दाखवण्यात आला होता. तो प्रसंग पाहिल्यावर त्या दिवशीच्या माझ्या सर्व आठवणी एकदम जाग्या झाल्या. त्या दिवशी दिल्लीत संसदेचे हिवाळी अधिवेशन सुरू होते, तसेच नागपुरात देखील महाराष्ट्र विधिमंडळाचे हिवाळी अधिवेशन सुरू होते. या अधिवेशनाचे वृत्त संकलन करण्यासाठी दरवर्षीप्रमाणे १३ डिसेंबर २००१ रोजी मी दुपारी नागपूरच्या विधान भवन परिसरातच होतो.  नागपुरात साधारणपणे दुपारी बारा ते एक विधान परिषदेत प्रश्नोत्तरांचा तास असतो. तसा त्यादिवशी देखील होता. प्रश्नोत्तरांचा तास संपल्यावर मग लक्ष्यवेधी सूचना सुरू होण्यापूर्वी कागदपत्रे पटलावर ठेवणे, सदस्यांच्या काही सूचना, औचित्याचे मुद्दे हरकतीचे मुद्दे, नियम ९३ च्या सूचना असे प्रकार सुमारे १५ ते २० मिनिटे चालतात. त्या दिवशी देखील प्रश्नोत्तरांचा तास नुकताच संपला होता आणि असे कागदपत्रे पटलावर ठेवणे औचित्त्याचे मुद्दे हेच कामकाज सुरू होते. कशावरून तरी...

माझंही मत... डॉ गिरीश गांधी..* *विदर्भातील साहित्यप्रेमी तुमच्याकडून उत्तरे मागताहेत....

Image
माझंही मत... डॉ गिरीश गांधी..* *विदर्भातील साहित्यप्रेमी तुमच्याकडून उत्तरे मागताहेत.... आपल्याकडे शिमग्याचा सण साधारणपणे मार्च महिन्यात येतो. यंदाच्या मार्च महिन्यात विदर्भात आणखी एक शिमगा चांगलाच रंगला. हा शिमगा मार्चमध्येच सरला, पण त्याचे कवित्व अजूनही सुरूच आहे आणि कदाचित पुढील पाच वर्षे असेच रंगणार आहे.  मार्च महिन्यात विदर्भ साहित्य संघाच्या पंचवार्षिक निवडणुका झाल्या. गेली जवळजवळ ३० वर्ष विदर्भ साहित्य संघात निवडणुका होतच नव्हत्या. म्हणजे एकच व्यक्ती ठरवायची आणि सर्व पदाधिकारी अविरोध निवडले जायचे. मात्र सगळ्यांना चुपचाप एका लाईनीत बसवण्याची क्षमता असणारी व्यक्ती आता नसल्याने कधी नव्हे ते त्या निवडणुका झाल्या, आणि त्या प्रचंड गाजल्या देखील. तिथे मग केंद्रीय मंत्री नितीन गडकरी यांचे नाव देखील चर्चेत ठेवले गेले. इतकेच काय पण राष्ट्रीय स्वयंसेवक संघाचे आणि भाजपचे देखील नाव इथे जोडले गेले. त्यानिमित्ताने रोज वर्तमानपत्रांचे रकानेच्या रकाने भरले गेले. सध्याचा जो साहित्य संघाचा नवा अध्यक्ष निवडून आला आहे, तो देखील गडकरींच्याच आशीर्वादाने निवडून आल्याचे लोक छातीठोकपणे सांगतात. विशेष...

घ्या समजून राजेहो राज्यसभा आणि विधान परिषदा रद्दबातल ठरवणे लोकशाहीला घातक...

Image
  घ्या समजून राजेहो राज्यसभा आणि विधान परिषदा रद्दबातल ठरवणे लोकशाहीला घातक... * " विधान परिषद सदस्य, राज्यातील जनतेवर लादलेले ओझे" या शीर्षकाचा रमेश लांजेवार यांनी लिहिलेला एक लेख गेल्या आठवड्यात ठाणे येथील दै. बित्तमबातमी  मध्ये वाचण्यात आला. या  लेखात लांजेवार यांनी विधान परिषदा या एकूणच कशा निरर्थक आहेत हे सांगण्याचा प्रयत्न केला असून करदात्यांचा पैसा वाया घालवणे असल्यामुळे या विधान परिषदा रद्दबातल ठरवाव्या अशी त्यांची सूचना आहे.  विधान परिषदा नकोतच असे म्हणणारे लांजेवार हे काही पहिलेच नाहीत, तर यापूर्वी अनेकांनी हा मुद्दा मांडला आहे. मात्र गेली पन्नास वर्षे राजकीय पत्रकारिता केल्यामुळे आणि त्यातील तीस वर्षाहून अधिक काळ विधानपरिषदेतच वृत्त संकलन केल्यामुळे विधान परिषदा आणि राज्यसभा या आवश्यक आहेत असे माझे मत झाले आहे. मात्र त्याचवेळी घटनाकारांना जे काही अपेक्षित होते त्या तत्त्वांना राजकारण्यांनी हरताळ फासत या दोन्ही सभागृहांबाबत घटनाकारांची जी भावना होती तिची अक्षरशः मस्करी केली आहे आणि राजकीय तडजोडीसाठी ही दोन्ही सभागृहे वापरली गेली आहेत असे आढळून आले आहे. त्या...

महाराष्ट्राचे विभाजन: व्यवहार्य की अव्यवहार्य..? भाग ११

Image
  महाराष्ट्राचे विभाजन: व्यवहार्य की अव्यवहार्य..? भाग ११  संपन्न मराठी माणूस घडवण्यासाठी या कुटुंब विस्तारावर विचार व्हावा... मागोवा महाराष्ट्राच्या वाटचालीचा... महाराष्ट्राचे विभाजन: व्यवहार्य की अव्यवहार्य? या विषयासंदर्भात मी गेल्या दहा लेखांमध्ये माझी मते मांडलेली आहेत. प्रत्येक लेख प्रसिद्ध झाल्यावर विविध प्रतिक्रिया देखील माझ्याजवळ येत आहेत. मी आधीच्या लेखांमध्ये स्पष्ट केले आहे की मी फक्त वेगळ्या विदर्भाच्या चळवळीचा अभ्यासक आहे. त्यानिमित्ताने या विषयावर जे काही चिंतन मी केले ते मी मांडले आहे. आता तज्ञ अभ्यासकांनीच हे विभाजन व्यवहार्य होईल की अव्यवहार्य हे ठरवायचे आहे.  आधीच्या भागांमध्ये मी प्रांतरचनेसाठी कोणते निकष लावावे याबाबत विवेचन केले होते. त्यानुसार कोणत्याही राज्याची राजधानी अशा ठिकाणी असावी की राज्यातील कुठल्याही गावातील माणूस राजधानीत एक दिवसात काम करून आपल्या घरी परत जाऊ शकेल. सध्या गडचिरोली गोंदिया किंवा मग गडहिंग्लज रत्नागिरी अशा राज्याच्या दुसऱ्या टोकाच्या माणसाला मुंबईत यायचे तर पूर्ण दिवसाचा किंवा एका रात्रीचा तरी प्रवास करावाच लागतो. हा मुद्दा ल...

कृषि महाविद्यालय, मूल येथे आंतरराष्ट्रीय योग दिन उत्साहात साजरा"

Image
  कृषि महाविद्यालय, मूल येथे आंतरराष्ट्रीय योग दिन उत्साहात साजरा" दीपक देशपांडे मूल  आंतरराष्ट्रीय योग दिन दरवर्षी २१ जून रोजी जगभरात आरोग्य, मानसिक संतुलन आणि सजगता (Mindfulness) यांचा प्रसार करण्यासाठी साजरा केला जातो. भारताचे पंतप्रधान नरेंद्र मोदी यांनी सप्टेंबर २०१४ मध्ये संयुक्त राष्ट्रांच्या महासभेत या दिवसाची संकल्पना मांडली होती. त्यानंतर संयुक्त राष्ट्रांनी २१ जून हा दिवस आंतरराष्ट्रीय योग दिन म्हणून घोषित केला. पहिला अधिकृत आंतरराष्ट्रीय योग दिन २१ जून २०१५ रोजी जगभरात मोठ्या उत्साहात साजरा करण्यात आला. डॉ. पंजाबराव देशमुख कृषि विद्यापीठ, अकोला संलग्नित कृषि महाविद्यालय, मूल येथे दि. २१ जून २०२६ रोजी आंतरराष्ट्रीय योग दिनानिमित्त राष्ट्रीय सेवा योजना (NSS) अंतर्गत विद्यार्थी व कर्मचाऱ्यांसाठी एक दिवसीय योग शिबिराचे आयोजन करण्यात आले. या कार्यक्रमाचे अध्यक्ष सहयोगी अधिष्ठाता डॉ. व्ही. जी. अतकरे होते तर प्रमुख मार्गदर्शक म्हणून प्रा. राम गावंडे (सेवानिवृत्त प्राध्यापक, कीटकशास्त्र), मुख्य योग प्रशिक्षक, पतंजली योगपीठ, हरिद्वार (नागपूर) यांची प्रमुख उपस्थिती लाभली. तस...

"शतकवीर रा. स्व. संघ" पुस्तकाचे आज प्रकाशन

Image
  "शतकवीर रा. स्व. संघ"  पुस्तकाचे आज प्रकाशन दीपक देशपांडे. संघशताब्दीनिमित्त विनोद देशमुख, प्रदीपकुमार मैत्र आणि कल्याणकुमार सिन्हा या तीन ज्येष्ठ पत्रकारांनी लिहिलेले "RSS@100 शतकवीर रा. स्व. संघ" हे पुस्तक आज रविवार, २१ जून रोजी सायंकाळी ६ वाजता डॉ. हेडगेवार पुण्यतिथी आणि योग दिनाच्या मुहूर्तावर प्रकाशित होत आहे. ज्येष्ठ पत्रकार, विदर्भ विश्व संवाद केंद्राचे अध्यक्ष सुधीर पाठक यांच्या अध्यक्षतेखाली, महाराष्ट्राचे मुख्य माहिती आयुक्त राहुल पांडे यांच्या प्रमुख उपस्थितीत हा प्रकाशन सोहळा महाराज बागेजवळील प्रेस क्लब सभागृहात होईल.  हे पुस्तक मराठी, हिंदी, इंग्लिश असे त्रिभाषिक आहे.  दीपक देशपांडे,✍️मुख्य संपादक              9403285344      ✍️ Ddbatmi-m2M ✍️

लक्षवेधी. मूलची पाणी समस्या!भाग २ भाजपचा घागर मोर्चा,त्यावर सत्ताधारी काँग्रेस ची पत्रकार परिषद:-एक आकलन आणि चिंतन.

Image
  लक्षवेधी. मूलची पाणी समस्या!भाग २ भाजपचा घागर मोर्चा,त्यावर सत्ताधारी  काँग्रेस ची पत्रकार परिषद:- एक आकलन आणि चिंतन. दीपक देशपांडे  बुधवार दिनांक १७जून रोजी दुपारी बारा वाजता भाजपचे वतीने स्थानिक रामलीला भवन परिसरातून निघालेला घागर मोर्चा नगरपरिषद कार्यालयात दाखल झाला, या मोर्चात प्रतिकात्मक रिकाम्या घागरी ठेवून त्याची शवयात्राही काढण्यात आली आणि नगरप्रशासनाच्या कार्यप्रणाली बाबत निषेध करणारी नारेबाजी ही करण्यात आली  मुख्याधिकारी यांना निवेदन देण्यात आले, याप्रसंगी घागरी नगरपरिषद कार्यालयासमोर फोडण्यात ही आल्या, यावर उपाययोजना करीत तोडगा काढून पाणीपुरवठा सुरू असल्याचे मत मुख्याधिकारी यांनी शिष्टमंडळाला सांगितले होते ,व यानंतर एक प्रेस नोट प्रसिद्धी ला देत स्पष्टीकरण दिले होते. ह्यात काय होते?....  प्रेस नोट अशी. ह्यानंतर खरेतर हा विषय इथे थांबायला हवा होता पण... भाजपच्या  मोर्चाचा  निषेध करीत आपली भूमिका मांडण्यासाठी सत्ताधारी गटाने दि.१९जून रोजी स्थानिक  विश्राम गृहात एक पत्रपरिषद आयोजित केली होती.    सत्ताधारी गटाकडून याबाबत दिनांक ...

अवैध बनावट प्रतिबंधित सुगंधी तंबाखू निर्मिती कारखान्यावर स्थानिक गुन्हे शाखा व पोलीस स्टेशन मूलचा छापा

Image
  अवैध बनावट  प्रतिबंधित सुगंधी तंबाखू  निर्मिती कारखान्यावर स्थानिक गुन्हे शाखा व पोलीस स्टेशन मूलचा छापा एकूण  ९,८५ ,४४५/--रू चा माल जप्त दीपक देशपांडे. दि.१६/०६/२०२६ रोजी स्थानिक गुन्हे शाखा,चंद्रपूर येथील अधिकारी व अंमलदार यांना गुप्त बातमीदाराकडुन माहिती मिळाली की, इसम नामे तोहिद शेख, रा वॉर्ड नं.१४ मूल याने स्वतःचे आर्थिक फायद्याकरीता महाराष्ट्रामध्ये प्रतिबंधीत असलेला सुगंधित तम्बाकू व पानमसाला विक्री करीता बाळगला आहे तसेच घरी बनावट सुगंधित तंबाखु तयार करीत आहे, अशी खात्रीशीर खबर मिळाल्याने स्थानिक गुन्हे शाखा चंद्रपूर व पोलीस स्टेशन मूल येथील अधिकारी / अंमलदार यांनी रेड केली असता आरोपी नामे मोहम्मद तोहिद मोहम्मद आरिफ, वय २७ वर्ष, रा.वॉर्ड नं.१७ ताडाळा रोड,मूल ता .मूल,जिं चंद्रपूर याचे राहते घरी बनावट सुगंधित तंबाखु तयार करण्याचे साहित्य,मशीन व महाराष्ट्रामध्ये प्रतिबंधीत असलेला तंबाखु व पानमसाला साठा, वाहतुकसाठी वापरलेली कार क्रमांक एमएच-२७ बीव्ही--२९०७ असा एकूण ९,८५,४४५/-रू चा माल जप्त करण्यात आला आहे. पुढील कार्यवाही कामी आरोपी व जप्त मुद्देमाल अन्न व औषध प...

माझंही मत... अरविंद सावंत आणि संजय राऊत यांना काही प्रश्न....

Image
माझंही मत... अरविंद सावंत आणि संजय राऊत यांना काही प्रश्न.....   शिल्लक शिवसेनेत काल पुन्हा एकदा फूट पडली. त्यांचे नऊ पैकी सहा खासदार बाहेर पडले आणि त्यांनी वेगळ्या गट स्थापन केला आहे. लवकरच ते शिंदेंच्या शिवसेनेत सहभागी होणार असल्याची माहिती आहे.  या निमित्ताने शिल्लक शिवसेनेतील संजय राऊत, अरविंद सावंत या नेत्यांची अक्षरशः आगपाखड सुरू आहे. संजय राऊत यांनी तर ताळतंत्रच सोडला आहे. ते चक्क नाक्यावर द्याव्या तशा शिव्या पत्र परिषदेत देत आहेत, आणि या एडिट न करता दाखवा असेही माध्यमांना ठणकावत आहेत.  त्याचवेळी अरविंद सावंत यांनी एक मुद्दा मांडला आहे‌. तुम्ही एका पक्षाच्या चिन्हावर नावावर विजयी होता आणि विजयी झाल्यावर कायद्यातील पळवाटा शोधून मुळ पक्षाशी गद्दारी करता, आणि दुसऱ्या पक्षात निघून जाता. हे कितपत योग्य आहे असा त्यांचा सवाल आहे. ही तुम्ही मतदारांशी केलेली गद्दारी आहे असे म्हणत हे कुठल्या नैतिकतेत बसते असेही सावंत विचारतात. तिथे मला अरविंद सावंत यांना विचारायचे आहे,की २०१९ मध्ये आपण भारतीय जनता पक्षाशी युती केली होती, आणि त्या युतीतील एक घटक पक्ष म्हणून आपण जागा लढवल्या ह...