Posts

Showing posts from May, 2026

माझंही मत... राष्ट्रवादीचा अर्थखात्यासाठी हट्ट

Image
  माझंही मत... राष्ट्रवादीचा अर्थखात्यासाठी हट्ट महायुतीतील एक घटक पक्ष असलेल्या राष्ट्रवादी काँग्रेसची सध्या जरा कुरकुर सुरू असल्याच्या बातम्या प्रसिद्ध होत आहेत. त्याला कारण झाले आहे म्हणे अर्थमंत्रीपदाचे. आधी फडणवीस मंत्रिमंडळाचा शपथविधी झाला त्यावेळी अर्थमंत्रीपद अजितदादांकडे सोपवले गेले होते. मात्र अजितदादांच्या अपघाती मृत्यूनंतर अर्थ खाते देवेंद्र फडणवीस यांनी स्वतःकडे म्हणजेच भाजपाकडे ठेवून घेतले. अर्थखाते आपल्यालाच परत मिळावे अशी राष्ट्रवादी काँग्रेसमधल्या सर्वांचीच इच्छा असल्याची बातमी सध्या प्रसारित होते आहे.  कोणत्याही राज्याच्या कारभारात अर्थ खाते, गृह खाते, महसूल खाते, आणि सामान्य प्रशासन खाते ही अत्यंत महत्त्वाची खाती मानली जातात. त्यामुळे साधारणपणे जबाबदार आणि अनुभवी आमदारांकडेच मंत्रिपद देऊन ही खाती सोपवली जात असतात. अजित पवार हे एक अनुभवी मंत्री म्हणून ओळखले गेले होते. जवळजवळ २५ वर्षाहून अधिक काळ त्यांनी विविध मंत्रिपदे भूषवली होती. प्रशासनाचा त्यांना दांडगा अनुभव होता. त्यातही अर्थमंत्रीपद हे महत्त्वाचे असते. आपल्या आमदारांना विकासासाठी निधी देऊ खुश करून ठेवत...

जिल्हाधिकारी कार्यालयात स्पर्धा परीक्षेचे मार्गदर्शन

Image
  जिल्हाधिकारी कार्यालयात स्पर्धा परीक्षेचे मार्गदर्शन  अमरावती, दीपक देशपांडे . नुकत्याच  संपन्न झालेल्या डॉ. पंजाबराव देशमुख अकादमी अमरावतीच्या मिशन आयएएस अंतर्गत अमरावती जवळील वलगावच्या सिकची रिसॉर्ट मध्ये आयोजित केलेल्या राष्ट्रीय स्पर्धा परीक्षा संस्कार शिबिरातील सर्व १२९ शिबिरार्थींनी व अमरावती मिशन आय एएसच्या पदाधिकाऱ्यांनी जिल्हाधिकारी कार्यालयाला भेट दिली. जिल्हाधिकारी श्री आशिष येरेकर यांच्या मार्गदर्शनाखाली या भेटीचे आयोजन केले होते. शिबिरार्थींनी जिल्हाधिकाऱ्यांचा कक्ष निवासी उपजिल्हाधिकारी यांचा कक्ष नियोजन भवन या ठिकाणी पाहणी केली. त्यानंतर जिल्हाधिकारी कार्यालयातील नियोजन भवन येथे आयोजित स्पर्धा परीक्षा मार्गदर्शन करण्यासाठी अमरावती जिल्ह्याच्या नियोजन अधिकारी श्रीमती वर्षा भाकरे यांना निमंत्रित करण्यात आले होते. त्यांनी आपल्या भाषणामध्ये आपला स्पर्धा परीक्षेचा प्रवास व विद्यार्थ्यांनी स्पर्धा परीक्षेची तयारी करीत असताना कोण कोणती काळजी घेतली पाहिजे याविषयी सविस्तर मार्गदर्शन केले. या कार्यक्रमाच्या अध्यक्षस्थानी मिशनचे संचालक व सुप्रसिद्ध स्पर्धा परीक्षा त...

आठवणींच्या हिंदोळ्यावर..२

Image
आठवणींच्या हिंदोळ्यावर..२ अशी झाली होती राम गणेश गडकरी जन्मशताब्दीची सुरुवात... आज २६ मे २०२६, मराठीतील ख्यातनाम साहित्यिक, नाटककार राम गणेश गडकरी यांची १४१ वी जयंती, त्या निमित्ताने आज ठीक ठिकाणी कार्यक्रमांचे आयोजन होते आहे.  राम गणेश गडकरी यांनी अत्यंत अल्प आयुष्यात खूप गाजलेली नाटके लिहिली. त्यांच्या आयुष्याचा शेवट नागपूर जिल्ह्यातील सावनेर येथे झाला. त्यामुळे सावनेर येथे त्यांचे चिरंतन स्मारक व्हावे अशी गडकरी प्रेमींची मनोमन इच्छा होती. त्यासाठी पाठपुरावा देखील चालू होता. अखेर ते स्मारक झालेले आहे. डिसेंबर 1990 मध्ये गडकरींचा अंत सावनेरच्या ज्या घरात झाला ते घर राज्य शासनाने अधिग्रहीत केले आणि तिथेच त्यांचे स्मारक झाले आहे. आज सकाळी या स्मारकासाठी पाठपुरावा करणारे एक गडकरीप्रेमी मित्र राजेश पेंढारी यांच्याशी बोलताना त्यांनीच आज १४१वी जयंती आहे अशी माहिती दिली आणि अजून नऊ वर्षांनी त्यांची दीडशेवी जयंती साजरी होईल असेही सांगितले.  पेंढारींनी हे सांगताच मी भूतकाळात गेलो. १९८४-८५ हे वर्ष राम गणेश गडकरींचे जन्मशताब्दी वर्ष होते. त्यानिमित्ताने २६ मे १९८४ रोजी गडकरी भक्तांनी सा...

महाराष्ट्राचे विभाजन व्यवहार्य की अव्यवहार्य.. ? भाग ७

Image
  महाराष्ट्राचे विभाजन व्यवहार्य की अव्यवहार्य.. ? भाग ७  नागपूर करार....फसलेला नव्हे फसवलेला प्रयोग.. मागोवा महाराष्ट्राच्या वाटचालीचा... महाराष्ट्राचे विभाजन व्यवहार्य की अव्यवहार्य ? या विषयावरील लेखामालिकेच्या  पहिल्या सहा भागांमध्ये आपण महाराष्ट्राचे गठन कसे झाले, त्याची आजची स्थिती काय आहे, महाराष्ट्राचे पाच भाग कसे करता येतील, तसेच हे कुटुंब विभाजन नसून कुटुंब विस्तार कसा असेल, वैधानिक विकास मंडळांचा फसलेला प्रयोग, महाराष्ट्राचे भाग भावनात्मक मुद्द्यांवर व्हावे की व्यावहारिक,  इत्यादी बाबींचा परामर्श घेतला. आधीच्या प्रकरणांमध्ये नमूद केलेले आहेच की महाराष्ट्राचे गठन झाले त्यावेळी विदर्भाचे वेगळे राज्य व्हावे अशी मागणी होती. मात्र पश्चिम महाराष्ट्रातील नेत्यांना विदर्भ हा महाराष्ट्रात हवा होता आणि त्यासाठी मग अकोला करार आणि नागपूर करार असे दोन करार केले गेले, आणि त्या करारांना कशी मुठ माती दिली गेली याचा आढावा या प्रकरणात घ्यायचा आहे .  ज्याप्रमाणे विदर्भाला महाराष्ट्रात जोडून घेऊन मग विदर्भावर ठरवून अन्याय केला गेला त्याचप्रमाणे पश्चिम महाराष्ट्र वगळता उर...

शेतकरी शास्त्रज्ञ मंचाची बेचाळीसावी बैठक संपन्न.

Image
  शेतकरी शास्त्रज्ञ मंचाची बेचाळीसावी बैठक संपन्न मूल दीपक देशपांडे.   कृषी  महाविद्यालय मूल अंतर्गत शेतकरी शास्त्रज्ञ मंचाची बेचाळीसावी बैठक दिनांक २० मे, २०२६ बुधवार रोजी सायंकाळी ६.३० वाजता मौजा बेलगाटा ता. मूल जि. चंद्रपूर  येथे  महाविद्यालयाचे सहयोगी अधिष्ठाता, डॉ. व्ही. जी. अतकरे यांच्या मार्गदर्शनाखाली संपन्न झाली. या प्रसंगी बेलगाटा येथील शेतकरी बांधव तसेच कृषि महाविद्यालय, मुल येथील विषयतज्ञ मंडळी उपस्थित होती. या बैठकीत मुख्यतेने *खरीप पूर्वतयारी व योग्य व्यवस्थापन आणि समृद्ध खरीप हंगाम* या विषयावर चर्चा करण्यात आली. या प्रसंगी डॉ. व्ही. जी. अतकरे, सहयोगी अधिष्ठाता कृषि महाविद्यालय, मूल यांनी शेतकऱ्यांनी विविध धान वाणांची निवड करून हवामान बदलाला अनुरूप शेती पद्धती अवलंबावी. कमी खर्चात अधिक उत्पादन मिळविण्यासाठी गांडूळखत निर्मिती, जैविक खतांचा वापर व बिजप्रक्रीया करण्याचे महत्व यावेळी सांगण्यात आले. तसेच तांत्रिक पद्धतीने शेती केल्यास उत्पादनात वाढ होऊन शेती अधिक फायदेशीर होऊ शकते, असे सांगितले. शेतकऱ्यांच्या समस्या जाणून घेऊन त्यांच्याशी संबधित विविध व...

आठवणींच्या हिंदोळ्यावर:-सहजगत्या घडलेले भवानीदेवीचे दर्शन.

Image
  आठवणींच्या हिंदोळ्यावर २१ मे २०२६  *नमस्कार मंडळी*  *आज २१ मे २०२६, आज मला ७१ वर्षे पूर्ण झाली आहेत. गत सात दशकांच्या आयुष्यात जी काही वेगवेगळे प्रसंग अनुभवायला मिळाले, ते सर्व मी "आठवणींच्या हिंदोळ्यावर" या शीर्षकाखाली आपल्याशी शेअर करणार आहे. काल लिहिल्याप्रमाणे आठवड्याला किमान एक तरी आठवण मी लिहिणार आहे. तर या लेखमालिकेतील पहिला लेख आज मी लिहितो आहे....* ************** सहजगत्या घडलेले भवानीदेवीचे दर्शन आजकाल बऱ्याच ठिकाणी देवाच्या दारी तुम्ही गेलात की दर्शनासाठी खूप ताटकळावे लागते. त्यातही ते तीर्थक्षेत्र असले तर मग विचारायलाच नको. आषाढी आणि कार्तिकी एकादशीला पंढरपुरात वारकऱ्यांना १५ ते १६ तास रांगेत उभे राहावे लागते. तोच प्रकार इतरत्र देखील आहे, मग ती कोल्हापूरची अंबाबाई असो की तुळजापूरची भवानीदेवी, भक्तांची मोठी रांग ही ठरलेलीच असते. मला आठवते, तिरुपतीच्या बालाजीचे दर्शन घेण्यासाठी आम्ही दुपारी एक वाजता रांगेत उभे राहिलो. दर्शन झाले तेव्हा रात्रीचे दहा वाजले होते. यावरूनच परिस्थिती लक्षात यावी.  अशावेळी तुम्ही मोठी रांग पाहून आणि आता किमान चार तास तरी थांबावे ...

पोलिस उपनिरीक्षक वर्षा नैताम यांना पदोन्नती! हा तर त्यांच्या कार्याचा खरा गौरवच! दीपक देशपांडे.

Image
पोलिस उपनिरीक्षक वर्षा नैताम यांना पदोन्नती! हा तर त्यांच्या कार्याचा खरा गौरवच! दीपक देशपांडे. चंद्रपूर जिल्ह्यातील पाच पोलीस उपनिरीक्षकांना एपीआय(सहायक पोलिस निरीक्षक)पदावर पदोन्नती   डीडिबातमी वृत्तसेवा.       शासनाच्या पदोन्नती धोरणानुसार पोलीस विभागातील सहायक पोलीस निरीक्षक (एपीआय) पदांच्या रिक्त जागा भरण्याच्या प्रक्रियेत चंद्रपूर जिल्ह्यातील पाच पोलीस उपनिरीक्षकांना पदोन्नतीचा लाभ मिळाला आहे. विभागीय पदोन्नती समितीच्या शिफारशी व पोलीस आस्थापना मंडळ क्रमांक २ यांच्या मान्यतेनंतर संबंधित अधिकाऱ्यांच्या पदोन्नतीचे आदेश जारी करण्यात आले आहेत. शासनाच्या ७ मे २०२१ च्या निर्णयानुसार सेवाज्येष्ठतेच्या निकषावर पोलीस उपनिरीक्षकांना सहायक पोलीस निरीक्षक पदावर पदोन्नती देण्याची प्रक्रिया राबविण्यात आली. त्यानुसार सन २०२४-२५ साठी विभागीय पदोन्नती समितीने पात्र अधिकाऱ्यांची निवडसूची तयार केली होती. या प्रक्रियेत यापूर्वी ३४१ पोलीस उपनिरीक्षकांना पदोन्नती देण्यात आली होती. त्यानंतर निवडसूचीतील मोहोरबंद प्रकरणांचे पुनर्विलोकन करण्यात आले. पुनर्विलोकनानंतर आणखी ४८८ पात्र ...

कृषि महाविद्यालय, मूल येथे “सामान्य बँकिंग परीक्षांची तयारी” विषयावर मार्गदर्शनपर व्याख्यान संपन्न

Image
  कृषि महाविद्यालय, मूल येथे “सामान्य बँकिंग परीक्षांची तयारी” विषयावर मार्गदर्शनपर व्याख्यान संपन्न मूल, दीपक देशपांडे. कृषि महाविद्यालय, मूल येथे विद्यार्थ्यांच्या स्पर्धा परीक्षा तयारीस प्रोत्साहन देण्यासाठी शुक्रवार, दि. १५ मे २०२६ रोजी प्लेसमेंट सेल व स्पर्धा परीक्षा मंच यांच्या संयुक्त विद्यमाने “सामान्य बँकिंग परीक्षांची तयारी” या विषयावर १० व्या विशेष अतिथी व्याख्यानाचे आयोजन करण्यात आले. या कार्यक्रमास प्रमुख वक्ते व मार्गदर्शक म्हणून मा. श्री. सानिध्य दळवी, सहाय्यक व्यवस्थापक, भारतीय स्टेट बँक मूल शाखा हे  उपस्थित होते. कार्यक्रमाच्या अध्यक्षस्थानी महाविद्यालयाचे सहयोगी अधिष्ठाता डॉ. व्ही. जी. अतकरे तसेच डॉ. आर. पी. गजभिये, प्राध्यापक (उद्यानविद्या) यांची प्रमुख उपस्थिती लाभली. कार्यक्रमाची सुरुवात *श्री. नागेश नवघरे* , सहाय्यक प्राध्यापक (मृद विज्ञान) यांच्या प्रास्ताविकपर भाषणाने झाली. कार्यक्रमासाठी प्रमुख अतिथी म्हणून उपस्थित असलेले *श्री. सानिध्य दळवी* यांनी विद्यार्थ्यांना विविध बँकिंग परीक्षांची रचना, अभ्यासक्रम, वेळेचे नियोजन, अभ्यास करण्याच्या प्रभावी पद्धती...

माझंही मत... मग एका लायक आमदाराची जागा तुम्ही का अडकवली उद्धवपंत..?

Image
  माझंही मत... मग एका लायक आमदाराची जागा तुम्ही का अडकवली उद्धवपंत..? कोणताही लोकप्रतिनिधी एखाद्या सभागृहात निवडून गेला की सभागृहाच्या बैठकी नियमितपणे उपस्थित राहणे आणि तिथे जनहिताच्या प्रश्नांची सोडवणूक करणे हे त्याचे प्रथम कर्तव्य असते. पण एखादा लोकप्रतिनिधी जर सभागृहात उपस्थितच राहत नसला तर तो निवडून का आला हा देखील प्रश्न उपस्थित होतो.  सध्या असाच प्रश्न शिल्लक शिवसेनेचे पक्षप्रमुख उद्धवपंत ठाकरे यांच्या बाबत विचारला जातो आहे. मुख्यमंत्रीपदाचा राजीनामा दिल्यानंतर झालेल्या विधान परिषदेच्या १३३ अधिवेशनांपैकी उद्धव पंथ फक्त ४२ अधिवेशनांमध्ये उपस्थित राहिले होते, आणि त्यांची उपस्थिती फक्त ३१.५ टक्के इतकी होती. म्हणजेच ते नापास आमदार म्हणून ओळखले जाणार आहेत.  उद्धवपंत आमदार कसे आणि का झाले हा देखील एक मजेदार किस्सा आहे. २०१९ च्या विधानसभा निवडणुका शिवसेनेने भाजपशी युती करून लढवल्या होत्या. निकाल लागायला लागले तसे उद्धव पंतांनी सरड्याने रंग बदलावे तितक्या सफाईने रंग बदलले. अमित शहांनी बाळासाहेबांच्या खोलीत म्हणे अडीच वर्ष मुख्यमंत्रीपद शिवसेनेला देऊ असा शब्द दिला होता. म्हण...