कर्मवीर महाविद्यालय, मूल येथे भारतरत्न डॉ. बाबासाहेब आंबेडकर जयंती उत्साहात साजरी.
कर्मवीर महाविद्यालय, मूल येथे भारतरत्न डॉ. बाबासाहेब आंबेडकर जयंती उत्साहात साजरी.
मूल: डीडीबातमी वृत्तसेवा.
गोंडवाना विद्यापीठ गडचिरोली संलग्नित व शिक्षण प्रसारक मंडळ मूल संचलित कर्मवीर महाविद्यालय, मूल येथे भारतरत्न डॉ. बाबासाहेब आंबेडकर जयंती साजरी करण्यात आली. हा सोहळा महाविद्यालयाच्या सांस्कृतिक विभागाच्या वतीने आयोजित करण्यात आला होता.या कार्यक्रमाचे अध्यक्ष स्थानी प्राचार्या डॉ. अनिता वाळके या होत्या .आपल्या भाषणात डॉ. वाळके यांनी डॉ. बाबासाहेब आंबेडकर यांच्या कार्याचा गौरव केला आणि त्यांच्या संघर्षातून समाजाच्या सर्व स्तरांमध्ये जागरूकता निर्माण झाल्याचे सांगितले. "डॉ. आंबेडकर यांनी भारतीय समाजात समानता आणि न्यायासाठी जे कार्य केले, ते आजही प्रेरणादायक आहे," असे डॉ. वाळके यांनी सांगितले.कार्यक्रमाचे प्रमुख मार्गदर्शक म्हणून पत्रकार आणि जागृत ग्राहक राजा या सामाजिक ग्राहक संघटनेचे नागपूर विदर्भ प्रांत अध्यक्ष दीपक देशपांडे हे होते आणि प्रमुख अतिथी म्हणून जागृत ग्राहक राजा चे मूल तालुका सचिव श्री. रमेश डांगरे हे उपस्थित होते. यावेळी त्यांनी डॉ. आंबेडकर यांच्या विचारधारा आणि त्यांच्या समाजकार्याचे महत्त्व समजावून सांगितले. पत्रकार श्री. दीपक देशपांडे यांनी डॉ. आंबेडकर यांच्या शैक्षणिक योगदानाबद्दल आणि त्यांनी समाजाला दिलेल्या संदेशाबद्दल विस्तृत माहिती दिली आणि डॉ. बाबासाहेब आंबेडकर यांच्या बाबतीत जेवढी माहिती मिळवण्याचा प्रयत्न करु तेवढं आपण परिपक्व होत जाऊ परंतू अजूनही आपण त्यांना आणि त्यांच्या विचारांना समजूच शकलो नाही याची जाणीव होऊ लागते असे स्पष्ट मत व्यक्त केले, आणि डॉ . बाबासाहेब आंबेडकर समजून घेण्यासाठी कदाचित हा जन्मही अपूरा पडेल असे मत व्यक्त केले .या कार्यक्रमात गोंडवाना विद्यापीठ कडून आचार्य पदवी मिळालेल्या प्रा. प्रविण उपरे यांचा सत्कार करण्यात आला. यावेळी महाविद्यालयाचा विद्यार्थी प्रणय चामेवार यांची चंद्रपूर पोलिस दलात निवड झाल्याबद्दल महाविद्यालयाच्या वतीने सत्कार करण्यात आला. कार्यक्रमाचे प्रास्ताविक डॉ. गणेश आगलावे यांनी केले. त्यांनी डॉ. आंबेडकर यांच्या कार्याचा इतिहास सांगत समाजातील सर्वसमावेशकतेची आवश्यकता व्यक्त केली. "डॉ. आंबेडकर यांचे कार्य केवळ आजच्या भारतापुरते मर्यादित नाही, तर ते संपूर्ण मानवतेसाठी आहे," असे ते म्हणाले.
कार्यक्रमाचे सूत्रसंचलन प्रा. लोमेश देशमुख यांनी केले. तसेच, प्रा. गजानन घुमडे, डॉ. गणेश गायकवाड, डॉ. प्रविण उपरे डॉ.उज्वला कापगते आणि प्राध्यापक दिनेश बनकर यांचे मार्गदर्शन कार्यक्रमात मोलाचे ठरले. त्यांनी डॉ. आंबेडकर यांचे कार्य विविध दृष्टिकोनातून समजावून सांगितले आणि विद्यार्थ्यांना प्रेरणा दिली.
कार्यक्रमाच्या समारोपात, डॉ. बाबासाहेब आंबेडकर यांच्या जयंतीनिमित्त एक वचन घेण्यात आले की, प्रत्येक विद्यार्थ्याने त्यांच्या विचारधारेचा आदर्श घेत, समाजातील अन्याय आणि अत्याचाराविरुद्ध आवाज उठवावा. डॉ. आंबेडकर यांचे कार्य आजही आपल्या जीवनात लागू पडते आणि त्यांच्या शिकवणीला अनुसरण करणे ही आपल्या पिढीची जबाबदारी आहे. कार्यक्रमाचे आभार प्रा. भूषण वैद्य यांनी मांडले.
यावेळी कॉलेजच्या विद्यार्थ्यांसोबत शिक्षक वर्ग, तसेच शिक्षकेत्तर कर्मचारी उपस्थित होते.
दीपक देशपांडे,✍️मुख्य संपादक
9403285344
✍️Ddbatmi-m2M✍️

Comments
Post a Comment