वाघाच्या हल्ल्यात..‌‌.. दोन ठार!

वाघाच्या हल्ल्यात ... दोन ठार!



दीपक देशपांडे 

चंद्रपूर जिल्हा वाघांचा जिल्हा म्हणून सर्वदूर परिचीत असला तरीही वाघाच्या वाढत्या हल्ल्यांमुळे जनजीवन आक्रोषित झाले असून वनविभाग आणि महाराष्ट्र शासनाच्या विरोधात मोठ्या प्रमाणात विरोध वाढिस  लागला असल्याचे दोन दिवसांपूर्वी घडलेल्या दोन घटनांमुळे दिसून येत आहे.

  पहिली घटना :-मूल तालुक्यातील बेलगाटा येथील रहिवासी पितांबर गुलाब सोयाम वय ३७ वर्षे यांचा वाघाच्या हल्ल्यात  मृत्यू झाला.   दिनांक १३ डिसेंबरला दुपारी सोयाम हा  गुरे चारायला जंगलात गेला होता, मात्र सायंकाळ होऊनही तो घरी परत आला नाही. कुटुंबीयांनी गावात व परिसरात शोध मोहीम राबवली परंतु तो आढळला नाही. रात्री घरी परत न आल्यामुळे त्यांनी वनविभागाला माहिती दिली.

रविवार दिनांक १४ डिसेंबरला सकाळी गावकरी व वन विभागाच्या कर्मचाऱ्यांनी जंगलात शोध मोहीम राबवली असता त्यांचा मृतदेह  कन्हाळगाव बिटातील  कक्ष क्रमांक १७६५  या जंगलात आढळून आला. यावेळी त्यांचा मृत्यू वाघाच्या हल्ल्यात झाल्याचे निदर्शनात आले. या घटनेमुळे बेलगाटा  व आजूबाजूच्या परिसरात भीतीचे वातावरण पसरलेले असून  सध्या धानाचे मळणीची व कापूस वेचणीची कामे सुरू असल्यामुळे  व  या भागातील शेतजमीन वनपरिसराला लागून असल्याने वनविभागाने तातडीने वाघाचा बंदोबस्त करावा अशी मागणी नागरिक  व शेतकऱ्यांनी  केलेली आहे. 
तर दुसरीकडे नागरिकांनी गुरे चारायला किंवा शेतीच्या कामावर  वन परिसरात जाताना खबरदारी घेण्याचे आवाहन वनविभागाने केलेले आहे. 
यावेळी मृतकाच्या कुटुंबीयांना वनविभागाने सानुग्रह मदत केली. पुढील तपास वनविभाग करीत आहे.
एक महिला ठार:-
तर सिंदेवाही तालुक्यातील गुंजेवाही येथील महिला शेतात कापूस वेचणी करण्यासाठी शेतात गेली असता वाघाने हल्ला करून ठार केल्याची घटना गुंजेवाही शेतशिवारात दिनांक १३डिसेंबर रोजी घडली , त्यामुळे या परिसरात भितीचे व प्रशासनाविरोधात वातावरण निर्माण झाले आहे.
वाघाच्या हल्ल्यात मृत्यू झालेल्या महिलेचे नाव छाया अरुण राऊत (४७)असे आहे.
निर्णयाप्रमाणे छाया आपल्या शेतात कापूस वेचणी करण्यासाठी गेली असता रूपाली ४.३०वाजताच्या सुमारास दबा धरून बसलेल्या वाघाने छायावर हल्ला करून ठार केले. सायंकाळी ती घरी परत न आल्याने घरच्यांनी शेतात जाऊन शोध घेतला असता ती रक्तबंबाळ अवस्थेत मृतदेह  सापडला , तातडीने वनविभागाला सुचना देण्यात आली, अशा स्थितीत शेतकऱ्यांनी शेतात काम कसे करायचे असा मोठा प्रश्न परिसरातील शेतकऱ्यांसमोर उभा ठाकला असून वनविभाग व शासनाच्या विरोधात मोठा जनआक्रोश निर्माण होत आहे.

दीपक देशपांडे,✍️मुख्य संपादक

            9403285344.               ✍️Ddbatmi-m2M✍️


Comments

Popular posts from this blog

मोठ्ठी बातमी:-मूल तालुक्यातील चिचाळा येथे रात्रभर अस्वलीचा हैदोस!

मूल तालुक्यातील गुणवंत मूलचा अभिनय डॉक्टर झाला, आईचे स्वप्न साकारले.

दोन वर्षांपूर्वी हरवलेली व्यक्ती सापडली,मूल पोलिसांची कामगिरी.