ध्वजारोहण सोहळा.राममंदिर पूर्णत्वाचा संदेश!
ध्वजारोहण सोहळा.
राममंदिर पूर्णत्वाचा संदेश!
दीपक देशपांडे 🚩...जय श्रीराम...🚩
२५ नोव्हेंबर २०२५ रोजी अयोध्येतील श्रीराम मंदिराच्या शिखरावर पंतप्रधान नरेंद्र मोदी आणि सरसंघचालक डॉ.मोहनजी भागवत भगवा-केशरी धर्मध्वज फडकावणार आहेत. त्या दिवशी पंतप्रधान नरेंद्र मोदी राम मंदिराच्या शिखरावर धर्मध्वजाची स्थापना करत, देश-विदेशातील रामभक्तांना मंदिर पूर्णत्वाचा संदेश देतील. ध्वजारोहणासाठी आवश्यक तयारी जवळजवळ पूर्ण झाली आहे. लष्करातील वरिष्ठ अधिकाऱ्यांनी अनेक वेळा रिहर्सलही केली आहे!
२५ नोव्हेंबर रोजी दुपारी ११:५५ ते १२:१०या अभिजित मुहूर्तावर पंतप्रधान नरेंद्र मोदी आणि सरसंघचालक डॉ. मोहनजी भागवत धर्मध्वजाची स्थापना करणार आहेत. ध्वज उभारण्यासाठी रिमोट-कंट्रोलने बटण दाबल्यापासून केवळ १० सेकंदांत ध्वज हवेत फडकू लागेल, ही त्यातील खास बाब आहे.
हा विशेष भगवा-केशरी ध्वज राम मंदिरात पोहोचला आहे. त्यावर सूर्यवंशाची प्रतीक चिन्हे आहेत. ध्वज फडकताच देशभरातील अनेक मठ-मंदिरांमध्ये आणि सनातनी घरांमध्ये घंटानाद होईल.
राम मंदिराच्या १६१ फूट उंच शिखरावर ४२ फूटाचा स्तंभ बसवण्यात आला आहे. या स्तंभावर २२ फूट लांब आणि ११ फूट रुंद असा हा भगवा-केशरी ध्वज लावला जाईल. हा ध्वज सुमारे ४ किलोमीटर दूरूनही दिसणार आहे!!! त्यासाठी राम मंदिरात ऑटोमॅटिक फ्लॅग होस्टिंग सिस्टम बसवण्यात आली आहे. भविष्यात ध्वज बदलण्यासाठीही हीच सिस्टम वापरला जाईल. वारा जोरात वाहिल्यास ध्वज ३६० डिग्री फिरू शकतो अशी व्यवस्था आहे. देश-विदेशातील रामभक्त दूरदर्शनच्या माध्यमातून घरबसल्या हा सोहळा पाहू शकतील.
🚩...जय श्रीराम...🚩
9403285344
✍️Ddbatmi-m2M✍️

Comments
Post a Comment