मूल तालुक्यातील पुरपरिस्थितीचा आढावा.
मूल तालुक्यातील पुरपरिस्थितीचा आढावा.
पावसाचा अतिरेक, आजपर्यंतच वार्षिक सरासरीच्या ६०%पाऊस, अजूनही अर्ध्याहून अधिक पावसाळा शिल्लक.
दीपक देशपांडे
"आमचे पूर्वज नेहमी म्हणायचे ,चार महिन्यांचा उन्हाळा आणि एक दिवसाचा पावसाळा",कधी यावर विश्वास ठेवला असेल नसेल माहिती नाही परंतू काल सकाळपासून आज सकाळपर्यंतच्या पावसाच्या कोसळधारांनी आज ते वाक्य आठवलं आणि जूने लोक किती दूरचा विचार करायचे याची आठवण झाली.
Tahasil off.Mul
Date -21/07/2024
1) Mul - 247.1
2) Bembal - 198.5
3) Chikhali - 191.0
SARASARI - 212.2
Progressive - 785.7
मूल शहरात काल दिनांक २०जूलै ते आज २१जूलैच्या सकाळी ७वाजेपर्यंत २४७.१मिलिमिटर पावसाची नोंद तर तालुक्यात २१२.२मिलीमिटर पावसाची नोंद झाली असून यामुळे जनजीवन विस्कळित झाले आहे. मूल शहरातील अनेक वार्डातील अनेक घरांमध्ये पाणी साचले असून विस्तारीत मूल शहरातील अनेक जून्या व नववस्तीमधे पावसाचे पाणी साचले असून येण्याजाण्यास मोठी अडचण येत आहे.तर अनेक खोलगट भागात अनैकांच्या घरात पाणी भरले असून रहिवाशांना घरातील पाणी बाहेर झोकण्यासाठी जीव ओतून प्रयत्न करावे लागत असून काही भागात तलाव सदृश परिस्थिती निर्माण झाली आहे
यादरम्यान आम्ही पावसाने थोडी उसंत दिल्यामुळे पुरपरिस्थितीचा आढावा घेण्यासाठी बाहेर पडलो.सुरुवात केली मूल मारोडा मार्ग,मूल चंद्रपूर,मूल चामोर्शी मार्ग,मूल गडचिरोली,मूल नागभिड नागपूर मार्गावरील वाहतूक व्यवस्था व प्रशासनाच्या सहभागाचा आढावा घेतला असता मूल मारोडा मार्गावर मूलच्या तलावाच्या ओव्हरफ्लो मुळे मार्गावर प्रचंड पाणी वाहत असल्याचे आढळून आले ,या परिस्थितीत लोक मोठ्या उत्साहात यांचा आनंद घेत होते आणि या मार्गावर आजवर कधिही असा प्रकार बघितला नसल्याचे स्पष्ट करीत होते .
तिकडे तालुक्यातील जूनासुर्ला गावात नदीचे पाणी शिरल्याने गाव पुरात बुडाल्याने वृत्त आहे ,या पावसाने तालुक्यात मोठ्या प्रमाणात घरादारांचे व शेतीचे प्रचंड नुकसान झाले असल्याचे वृत्त हाती येत आहे,तर प्रशासनाने पुन्हा अतिवृष्टी चा इशारा दिला आहे, त्यामुळे भितीचे सावट पसरले आहे. जनता जीव मुठीत घेऊन वावरत आहे,
तालुका प्रशासनाचे वतीने तहसीलदार मृदूला मोरे यांनी जनतेने आवश्यक असेल तरच विशेष काळजी घेऊन घराबाहेर पडा अन्यथा घराबाहेर पडणे टाळा, पडझडीची तातडीने माहिती द्या ,काही अडचण उद्भवल्यास प्रशासनाला कळवा,प्रशासनाने गावातील शाळांमध्ये आकस्मिक व्यवस्था करण्याचे निर्देश दिले आहेत , त्यामुळे जनतेने काळजी घ्यावी व सहकार्य करावे असेही त्यांनी आवर्जून आवाहन केले आहे.
तसेच आवाहन पोलिस प्रशासनाने एका पत्रकाद्वारे स्वतंत्रपणे केलेले आहे.
*दीपक देशपांडे, ✍️ मुख्य संपादक*
*✍️Ddbatmiportalm2m✍️*



Comments
Post a Comment