बेंबाळ येथील घराला आग, लाखोचे नुकसान
बेंबाळ येथील घराला आग, लाखोचे नुकसान
मूल ,न्युजब्युरो
मूल तालुक्यातील बेंबाळ येथील अमोल मुरलीधर पगडपल्लिवार यांचे घर शॉर्टसर्किट मुळे जळाल्याची घटना दिनांक ६/०१/२०२३ रोजी दूपारी बारा वाजताच्या दरम्यान घडली. वायरिंग शॉर्ट झाल्यामुळे ही घटना घडली असल्याचे सांगण्यात आले.
या घटनेत पगडपल्लिवार यांचे घरी असलेले टीव्ही, कुलर, बेड, कपाट, पैसे, कपडे, सोने यांसह घरगुती साहित्य जळून खाक झाले. घर मालकाचे मोठे आर्थिक नुकसान झाले आहे. अंदाजे चार पाच लाखापर्यंतचे नुकसान झाल्याचा प्राथमिक माहिती आहे.
ही माहिती गावात वाऱ्यासारखी पसरताच शेजारी आणि गावातील नागरीक धाऊन आले आणि आग विझविण्यात यश आले. माञ तोपर्यंत अमोल मुरलीधर पगडपल्लिवार यांच्या घराचे मोठे नुकसान झाले आहे. विशेष म्हणजे पगडपल्लिवार यांनी गटातून काही पैसे घेतले होते, ते ही या आगीत जळून खाक झाल्याची माहिती आहे.

Comments
Post a Comment